影片
更多
2022-06-20
153 瀏覽
都實在唔係誇張，希鳥用上日本鹿兒島既黑薩摩雞既廚師發板真係勁好食！成個set 都成17道菜式，係每一道都咁好食☺️咁我就介紹下最最最好食嗰啲（排名不分先後🤭）炙燒雞胸配三文魚子 - 從來無食過咁滑既雞胸😨 炙燒到半生熟，熟既部分食到肉味濃而中間部分食到肉質既嫩滑，滑到好似食緊魚咁☺️加埋三文魚子既鮮甜，我會用好味到不得了黎形容☺️雞清湯配雞肉丸子 - 呢道係第一道上既菜，真心俾佢好似平平無奇既樣呃左，個雞湯底濃到起膠咁制，但好清一啲都唔油膩，雞肉丸軟身又係好好食，呢個頭開得有啲靚🤤炭燒雞胸肉配烏魚子及土佐產香醋 - 呢個presentation 好靚，正如上面所講，雞胸肉已經好滑好嫩，加埋少少鹹香同口感既烏魚子同醋味啫喱，味道同口感上既層次都好豐富！日式最中餅配雞肝醬 - 我知我好膚淺，但我想講佢個最中餅係脆呢個細節位我係幾欣賞，雞肝醬做到好細滑，上面仲加左無花果乾同南瓜籽，更加口感既同時仲令成個菜式食落無咁漏。慢煮雞冠配蟹肉醬 - 第一次食雞冠既我表示感覺好微妙，慢煮左雞冠口感好淋，有少少似好淋花膠既口感😙，加埋魚翅同用蟹肉做成既湯羹，成個菜式即刻昇華左好多☺️炭燒雞頸肉 - 炭燒完既雞頸肉
成個set 都成17道菜式，係每一道都咁好食☺️咁我就介紹下最最最好食嗰啲（排名不分先後🤭）
炙燒雞胸配三文魚子 - 從來無食過咁滑既雞胸😨 炙燒到半生熟，熟既部分食到肉味濃而中間部分食到肉質既嫩滑，滑到好似食緊魚咁☺️加埋三文魚子既鮮甜，我會用好味到不得了黎形容☺️
雞清湯配雞肉丸子 - 呢道係第一道上既菜，真心俾佢好似平平無奇既樣呃左，個雞湯底濃到起膠咁制，但好清一啲都唔油膩，雞肉丸軟身又係好好食，呢個頭開得有啲靚🤤
炭燒雞胸肉配烏魚子及土佐產香醋 - 呢個presentation 好靚，正如上面所講，雞胸肉已經好滑好嫩，加埋少少鹹香同口感既烏魚子同醋味啫喱，味道同口感上既層次都好豐富！
日式最中餅配雞肝醬 - 我知我好膚淺，但我想講佢個最中餅係脆呢個細節位我係幾欣賞，雞肝醬做到好細滑，上面仲加左無花果乾同南瓜籽，更加口感既同時仲令成個菜式食落無咁漏。
慢煮雞冠配蟹肉醬 - 第一次食雞冠既我表示感覺好微妙，慢煮左雞冠口感好淋，有少少似好淋花膠既口感😙，加埋魚翅同用蟹肉做成既湯羹，成個菜式即刻昇華左好多☺️
炭燒雞頸肉 - 炭燒完既雞頸肉比其他雞肉部分會相對油膩，但師傅好巧妙地加入左好少量既黃芥末醬，味道好夾得黎又解左啲油膩，配搭上真係花盡心思☺️
炭燒免治雞肉軟骨串配蛋黃 - 我覺得佢呢串既做得幾出色，醬汁份量岩岩好，出面有啲免治雞肉軟骨串會勁鹹，但呢個燒得岩岩好而且汁唔會太多，點埋蛋黃好正
炭燒無骨雞翼 - 無骨已經係皇道😍仲要keep啲好juicy，一咬落去爆晒啲雞汁出黎☺️
炭燒茄子配秘製肉味噌 + 炭燒時令蔬菜配巴馬臣芝士 - 唔好以為唔係雞肉既菜式就會係普通，前者燒到好juicy加埋鹹鹹地既製肉味噌，令清清地既茄子都變得惹味；後者又係另一種風味，當日係炭燒翠玉瓜，加埋巴馬臣芝士（師傅仲要勁好見我地啲芝士好少，之後加多左勁多俾我☺️），熱辣辣既瓜令芝士熔化，又係好好食🤤
招牌雞湯拉麵 - 濃雞湯包圍住拉麵，仲有雞絲，食完飲埋個湯夠晒滿足
甜品都好夠特別，係wasabi 味雪糕配醬汁糖漿，雖然辣味嘅後勁好強勁，但亦都無蓋過奶香，配埋醬油糖漿都幾特別；自家製布甸都好滑，不過我建議食咗布甸再食雪糕，味道會更突出😗
總括來講成個Menu其實真係無咩可以挑剔，串燒嘅火候都控制得非常之好，炭香味十足，而且好多細節位都食得出師傅嘅心思，暫時來講都係今年內食得最好食嘅串燒☺️非常推介！
張貼
