Yadllie Plate 야들리애플래이트 (兆萬中心)

終於有時間嚟食炸雞啦！呢間好出名，啲食材全部韓國空運過嚟，而且lunch時間去食有7折添呀！我今日未到12：30上到去已經有人排隊啦！今日我地兩個女仔食左三款，款款嘅份量都好大，自問大食嘅我哋都食到好飽。🌟驚喜二重奏,真係有驚喜！牛扒係已經燒熱嘅石板上燒，燒一陣已經好香嘅肉味飄出來。炸雞就安安靜靜咁等我地食完牛扒再寵幸佢。牛扒肉質緊緻，有牛味。炸雞皮脆肉嫩，有肉汁，我哋食完真係意猶未盡。🌟🌟再嚟多盤半半炸雞，今次有兩款口味，第一款蜜味乳酪粉，依然係又脆又嫩的炸雞，但表皮上撒滿了甜甜的乳酪粉，入口鹹甜適。第二款，蔥蔥蔥，好香嘅蔥味加埋檸檬汁淋上啲炸雞上面，頗有一番風味。🌟🌟🌟芝士蟹子蛋捲身為雞蛋愛好者我見到蛋捲我一定會嗌嚟食，今次嘅蛋捲蛋未濃，芝士夠香，配埋蟹子咬落去奶香滿溢。🌟🌟🌟🌟八爪魚煎餅質感比較薄身，煎得好香，食多幾件都唔會感到油膩。🌟🌟海鹽焦糖沙冰好香奶味，鹹鹹甜甜味道好特別，好啱女仔飲。🌟🌟蜂蜜米酒濃濃米酒香，配上淡淡嘅蜂蜜甜味，彷彿置身韓劇中。