影片
更多
2024-09-03
266 瀏覽
Daap價錢💲: $198 (restaurant week) 好味程度😋: 4.5/5服務🍴: 3.7/5環境🗾: 3.4/5性價比🥢: 4/5回頭率😚: 4.5/5-見restaurant week平少少就去試試想食好耐的daap。除左想試佢哋的意粉，甜品的奶茶菠蘿包更加係重點啦😗餐廳位置好少，主要都係為主一個廚師open area的bar枱，大概坐到12個人，另外仲有小小餐枱位置。因為廚師一人主理，所以出餐時間一定要等耐小小，但可以睇到佢煮野食的過程都好治癒😉-✅✅✅烤栗子湯配羊肚菌。未飲過栗子湯的我完全被驚艷了😳入口creamy絲滑，無曬任何栗子顆粒/粉狀。味道係純100%栗子🌰，濃郁的栗子甜味，加埋淡淡的煙燻羊肚菌味💯！！羊肚菌好大舊，本體被煙燻過之外亦都吸滿湯汁，呢個湯太出色‼️-✅✅避風塘炒蟹肉手工意粉。呢個意粉超級闊又有厚度，係我鍾意的類型😋就算咁闊，條麵都可以掛晒汁，唔會汁還汁麵還麵就知有幾好食！蟹肉好多，而個醬汁好似中式菜打左個芡咁幾得意。面頭有炸蒜、葱、辣椒做到避風塘的風味🥰-🆗黑安格斯牛腹肉配薯蓉雜菌。牛腹肉真係瘦，所以就算唔熟曬都會有d韌🙈以唔肥主要係肉的肉質來
價錢💲: $198 (restaurant week)
好味程度😋: 4.5/5
服務🍴: 3.7/5
環境🗾: 3.4/5
性價比🥢: 4/5
回頭率😚: 4.5/5
-
見restaurant week平少少就去試試想食好耐的daap。除左想試佢哋的意粉，甜品的奶茶菠蘿包更加係重點啦😗餐廳位置好少，主要都係為主一個廚師open area的bar枱，大概坐到12個人，另外仲有小小餐枱位置。因為廚師一人主理，所以出餐時間一定要等耐小小，但可以睇到佢煮野食的過程都好治癒😉
-
✅✅✅烤栗子湯配羊肚菌。未飲過栗子湯的我完全被驚艷了😳入口creamy絲滑，無曬任何栗子顆粒/粉狀。味道係純100%栗子🌰，濃郁的栗子甜味，加埋淡淡的煙燻羊肚菌味💯！！羊肚菌好大舊，本體被煙燻過之外亦都吸滿湯汁，呢個湯太出色‼️
-
✅✅避風塘炒蟹肉手工意粉。呢個意粉超級闊又有厚度，係我鍾意的類型😋就算咁闊，條麵都可以掛晒汁，唔會汁還汁麵還麵就知有幾好食！蟹肉好多，而個醬汁好似中式菜打左個芡咁幾得意。面頭有炸蒜、葱、辣椒做到避風塘的風味🥰
-
🆗黑安格斯牛腹肉配薯蓉雜菌。牛腹肉真係瘦，所以就算唔熟曬都會有d韌🙈以唔肥主要係肉的肉質來講都算細嫩同小小淋。但可能因為都係偏瘦的關係，所以牛味唔太濃。反而🥔同d菇菇就幾好食🤫
-
✅✅自家製酸種菠蘿包配港式奶茶雪糕。呢個酸種菠蘿包同平時嘅港式菠蘿包唔同。菠蘿皮比較薄，同埋d裂紋都唔一樣。連埋個包食，口感比較煙韌，符合酸種麵包的特色😬細嚼下會覺得有小小的酸味。麵包烘得熱，而雪糕帶半融狀態，係冰火感覺。奶茶雪糕的茶味好香，好有港式奶茶濃茶的精粹，錫蘭紅茶的香味好突出🥳
-
除左牛腹肉一般之外，其他都好出色。全部野的配搭都好少見，會想再來食其他唔同菜式，就算卡邦尼都好有興趣😬
張貼
