富豪燒臘飯店 (已結業)

入去都只係因為唔洗等位，求其食少少野又有酒飲，因為同朋友share 食，上菜時叫侍應比2 個碗，之後發現佢比少左食燒鵝不可缺既酸梅醬，所以等佢上飲品時順便叫佢比埋酸梅醬，就係咁簡單。點知個侍應發爛渣話：「有咩要就一次過講啦，一時呢樣一時個樣，要我行黎行去！」我即刻火都黎，同佢嘈交，全餐廳都望住我地，佢仲好似想打我咁，最後仲趕我地走。從來未遇過咁差既侍應，真正趕客走！唔怪得呢間野一直都咁少人！千奇千奇唔好幫襯！