威爾斯親王醫院飯堂

營業中

休息中

相信冇人想係醫院食野，但有時特別情況下，都冇辦法。呢間扮明係大家樂，但質量同街差一大截，價錢仲要貴過出面，其實有時都唔明， 佢地點解可以咁貴，入公家醫院，食餐飯都唔平。如果係醫管居收租貴， 食物都要對得住價錢。中午因為要比醫護人員食， 病人就要去旁邊個間房仔，又冇咩冷氣，大熱天時， 真係百味齊放， 飯味加汗味，真係啖啖香香。 當然明白醫護人員辛苦，我都贊成佢地咁分時段，只是病人或探訪客間房，不是坐監，比既錢仲貴d, 係唔係要好少少，清潔同空氣流通是基本的。我今日食早餐， 工作人員一路做，一路傾， 整到條龍長到😰。 叫個火腿通粉，一d都唔熱，雞扎成$20碟，都比d誠意先得架， 冬菇火腿都冇，蒸到霉晒。醫院食野主打清淡冇問題，唔係水煮， 比少少誠意啦。