炊豕店 (加路連山道) (已結業)

之前放lunch果陣成日經過炊豕店都見到好多人食, 今日行完donki去希雲街果頭搵食果陣見到有E間餐廳, 於是就去排隊試下! 餐廳同荔枝角分店一樣咁多人, 小妹同朋友大約等左廿分鐘到就入到去! 餐廳環境細細間, 乾淨企理, 食物選擇方面除左有多款以豚肉做嘅主食亦都有不少小食可以選擇! 小妹同朋友就點左個signature嘅蔥油豬扒飯同最新推出嘅胡椒豬骨湯米線!🌟秘製豬扒配胡椒豬骨湯米線🐷🍜一上枱就聞到陣陣香濃嘅胡椒味 , 豬骨湯底呈奶白色, 入口胡椒味重, 米線爽口彈牙, 底層仲有非常吸湯嘅醃芽菜同豆卜等配料! 豬扒極厚切, 同小妹塊面咁上下大😝, 外層香口酥脆, 咬落去脆卜卜爆肉汁🌟蔥油豬扒飯🐷🍚蔥油份量好多, 蔥香味濃, 豬扒同樣大大塊, 沾滿蔥油嘅豬扒更惹味, 一啖豬扒一啖飯, 十分滋味!