雲南風味小鍋米線

營業中

休息中

呢幾日不停落雨，下雨☔️天更加想食辣辣米線，呢一間係同事推介，所以特登過嚟食。呢間米線店竟然走綠色植物風，米線店嚟講比較少有，不過我都係着重食物多少少。湯底絕對係一碗米線嘅靈魂，可以揀麻辣或者酸辣，今次兩隻都試吓。🍜酸辣湯底 (小辣)橙白色嘅湯底，面頭浮着紅油，唔會太過酸，以辣為主，辣椒亦屬於辣椒辣，應該用豬骨烹調長時間，散發少少甜，唔會太過鹹，整體嚟講嗰啲有少少似喇沙湯底，不過冇椰子味版。🍜麻辣湯底 （小辣）基本湯底差不多，但走了酸味多了輕微麻味。米線麵質比平時嗰啲幼，屬於比較腍身，適合不太喜歡煙靭麵線的人。配料方面🐽炸醬好大粒，唔會整到太碎，調味啱啱好，唔會太辣太鹹，仲有少少甜味，加入咗湯底增添咗層次。🐓雞軟骨有驚喜，平時唔係間間米線舖會有雞軟骨提供，雞軟骨充滿鹹香，入口充滿啖啖軟骨精華。🐷豬大腸超級入味，有濃濃滷水汁嘅味道，應該煮咗好耐，口感外皮少許煙靭內裏充滿美味脂肪。推薦指數：⭐️⭐️⭐️⭐️風味上譚仔某幾隻配料特別突出，但呢個湯底就比較平衡，即係食完譚仔你會比較容易記得嗰隻味，但呢一間你會覺得好食，但係好快就唔記得種味道，冇咁容易上癮。d(`･∀･)b但配料上，呢間比較出色。📍雲南風