米線陣 (海富中心)

營業中

休息中

自從做左佢會員後，有會員折扣，真係多左一個食米線嘅選擇，今日仲無意之中比我發現佢嘅下午茶優惠 鍾意食佢嘅雲吞，咁岩有呢碗清湯鮮蝦雲吞米線 ($37)，二話不說就落單! 成碗份量都唔細喎，有成4粒雲吞加2條生菜 皮薄餡足，真係有隻蝦係入面，米線軟硬度OK，食晒成碗都足夠一餐晚餐份量! 加$10可以有埋小食，熱辣辣首選係呢個涼伴三絲粉皮 (細)，三絲即係火腿，已調味鷄肉及青瓜，賣相唔錯! 係柔滑粉皮上淋上麻醬，份量岩岩好! 包杯熱飲，未試過飲佢嘅奶茶，份量都正常唔會話好細杯，茶味適中，又幾岩口味喎! 下午茶優惠用會員咭冇折，但今餐埋單只係$47，超抵食!