影片
更多
2024-11-02
275 瀏覽
入流浮山除咗海鮮，仲有超抵食嘅任食韓燒窯雞🐓，百幾二百蚊就有交易！平時週末諗唔到去邊，可以元朗或者天水圍搭K65巴士入嚟流浮山買下海味打下卡，而家呢個天氣涼涼哋，仲可能燒埋烤，啱曬入嚟放下電！——————————🍢◖120分鐘放題任食正宗流浮山窯雞+韓燒◗ 呢個放題超抵玩，午市$168、晚市$278，食物款式好多，仲有食到呢期好紅嘅窯雞，性價比好高，好適合一大班friend一齊嚟！燒烤配料以肉類🍖為主，必食五花腩捲、豬頸肉、豬柳、牛仔肉、牛仔骨、雞中翼，另外仲有啲錫箔紙焗類🐟，蒜蓉牛油焗野菌、香草鮮檸焗魚柳、金銀蒜焗白蜆都唔錯！食到咁上下，可以燒菠蘿、翠玉瓜消下膩，唞一唞繼續作戰💪！ 燒緊嘢食肚餓嘅時候，可以食住啲現成嘅食物先：吞拿魚醬薯條沙津、泡菜炒年糕、窯燒雞，特別推薦窯燒雞，肉質嫩滑多汁，仲有淡淡嘅柴火香氣🔥，出面唔係咁容易食到！除咗多款燒烤配料，仲有無限量供應嘅汽水🥤，唔怕傾偈傾到口乾🤣
——————————
🍢◖120分鐘放題任食正宗流浮山窯雞+韓燒◗
呢個放題超抵玩，午市$168、晚市$278，食物款式好多，仲有食到呢期好紅嘅窯雞，性價比好高，好適合一大班friend一齊嚟！
燒烤配料以肉類🍖為主，必食五花腩捲、豬頸肉、豬柳、牛仔肉、牛仔骨、雞中翼，另外仲有啲錫箔紙焗類🐟，蒜蓉牛油焗野菌、香草鮮檸焗魚柳、金銀蒜焗白蜆都唔錯！食到咁上下，可以燒菠蘿、翠玉瓜消下膩，唞一唞繼續作戰💪！
燒緊嘢食肚餓嘅時候，可以食住啲現成嘅食物先：吞拿魚醬薯條沙津、泡菜炒年糕、窯燒雞，特別推薦窯燒雞，肉質嫩滑多汁，仲有淡淡嘅柴火香氣🔥，出面唔係咁容易食到！
除咗多款燒烤配料，仲有無限量供應嘅汽水🥤，唔怕傾偈傾到口乾🤣
張貼
