影片
更多
2020-03-10
330 瀏覽
小編都好耐冇試新野啦，特別呢排緊張局勢（武肺橫行）真係少左出街。唔知點解心思思好想食omakase但通常返工（小編都唔係日日返，都係一個人禮拜返一至兩日減低感染風險吖嘛）都係早放早收極度任性上班時間，所以好少出街食夜晚飯，唯獨lunch就會有機會搵下有冇好西，本來打算去傳統既壽司x既（亨利中心o個間呢）但小編睇下OR既食評似乎普遍食客對呢間野近期質素略有微言，小編當然唔敢搏啦講到咁差，寧願試間新好過，就算差都唔會太失望。搵下搵下搵到呢間，呢棟大廈有兩三間食壽司既，獨獨小編對佢有d興趣又見佢lunch有7折咁抵食，早兩日o係OR book檯又有🉐️賺埋asiamiles添！爽皮！當然魔鬼總是在細節，OR都寫🉐️清楚佢地既7折只限A la carte即係單點。👌🏽，小編覺得單點7折都可接受既。今日12點準時到達，一座低都即刻可以order因為個a la carte都唔多我喜歡既選擇，當然叫返最穩陣既10貫特上壽司啦。服務員話要等20分鐘，我覺得合理話曬師傅即時整，又唔係元x、千x ｏ個d。大約15分鐘就到啦，個賣相已經加分，仲唸著師傅會hea d整添，話曬係7折吖嘛，你知啦，香港地做生意就係你
當然魔鬼總是在細節，OR都寫🉐️清楚佢地既7折只限A la carte即係單點。👌🏽，小編覺得單點7折都可接受既。今日12點準時到達，一座低都即刻可以order因為個a la carte都唔多我喜歡既選擇，當然叫返最穩陣既10貫特上壽司啦。服務員話要等20分鐘，我覺得合理話曬師傅即時整，又唔係元x、千x ｏ個d。
大約15分鐘就到啦，個賣相已經加分，仲唸著師傅會hea d整添，話曬係7折吖嘛，你知啦，香港地做生意就係你比幾多就比你付出價錢再低d既水準。估唔到，壽司既新鮮程度係100%！冇錯，小編我其實對壽司要求都頗高，呢度既壽司無論魚、雞蛋、飯都係水準之上、我覺得又少少出乎我意料之外，連我最唔like既玉子、呢度都整得好好味。
呢個特上壽司小編真心推介俾大家，原價360、加1⃣️之後再有7折埋單收288，以質素黎講係超值既，就算360原價食呢個小編都覺得合理。
而最最最最開心莫過於師傅好好人比多兩貫我，我真係覺得自己好好彩吖！又開心左成半日
感謝師傅既extra 壽司，因為呢個bonus小編決定一定會再去幫襯
備註：小編認為最出色既壽司係魷魚壽司，咬落口仲有o個種膠質口感真係好好味道呀！拖羅又係好味到癲
不過佢地既7折offer去到今個禮拜日渣，大家唔好錯過吖！
特上壽司10貫
$360
51 瀏覽
2 讚好
0 留言
張貼
