影片
更多
2022-05-31
46 瀏覽
嚟介紹下外賣喇🥢！今次想介紹嘅位於鰂魚涌嘅美蘭廚房🤩。見我好似有一段時間冇介紹到講到嘅嘢食咁🤣，所以今次就介紹吓啦～講返正題先，我揀呢間餐廳嘅原因其實係因為我當時又想食車仔麵又想食啲家常小菜😌，而咁啱呢間餐廳同事有賣晒呢兩款嘢食🥳，所以就不妨試吓。即刻同大家睇吓呢間餐廳嘅外賣質素如何😋。食物方面☝🏻#有得揀車仔麵首先同大家介紹吓呢間餐廳嘅車仔麵先🙌🏻。就咁睇個Menu，佢都算有幾多餸可以揀下👍。而我嗰日就揀咗四個餸搭粗麵配麻辣汁🤤。我覺得佢個麻辣汁湯底個辣到做得啱啱好🌶，少少辣帶到開胃嘅作用，就算飲完啖湯都唔會覺得好頸渴😎。粗麵嘅麵質我就覺得都算幾彈牙😬，值得讚嘅一個位就係外賣佢有湯麵分離，變相啲麵唔會畀湯浸到淋晒，就算拎完外賣擺多陣都唔會有太大影響。跟住就黎同大家講吓我分別去咗邊四個餸🤪。#自家製韭菜餃（$14）就咁睇個韭菜餃都幾大粒😋，而且個餃子都包得幾密實，唔會一夾就散👍。個人覺得做到皮薄餡靚嘅效果，至於餡料方面都算幾足料，皮同埋餡嘅口感都均勻🤭。#南乳豬手（$14）份量嚟睇豬手都算幾大舊✨，豬皮都清潔得好乾淨，唔會有啲豬毛癡喺上邊🐖。豬手都煮得好軟淰，唔使點咬都可以扯到啲肉落嚟
今次想介紹嘅位於鰂魚涌嘅美蘭廚房🤩。見我好似有一段時間冇介紹到講到嘅嘢食咁🤣，所以今次就介紹吓啦～講返正題先，我揀呢間餐廳嘅原因其實係因為我當時又想食車仔麵又想食啲家常小菜😌，而咁啱呢間餐廳同事有賣晒呢兩款嘢食🥳，所以就不妨試吓。即刻同大家睇吓呢間餐廳嘅外賣質素如何😋。
食物方面☝🏻
#有得揀車仔麵
首先同大家介紹吓呢間餐廳嘅車仔麵先🙌🏻。就咁睇個Menu，佢都算有幾多餸可以揀下👍。而我嗰日就揀咗四個餸搭粗麵配麻辣汁🤤。我覺得佢個麻辣汁湯底個辣到做得啱啱好🌶，少少辣帶到開胃嘅作用，就算飲完啖湯都唔會覺得好頸渴😎。粗麵嘅麵質我就覺得都算幾彈牙😬，值得讚嘅一個位就係外賣佢有湯麵分離，變相啲麵唔會畀湯浸到淋晒，就算拎完外賣擺多陣都唔會有太大影響。跟住就黎同大家講吓我分別去咗邊四個餸🤪。
#自家製韭菜餃（$14）
就咁睇個韭菜餃都幾大粒😋，而且個餃子都包得幾密實，唔會一夾就散👍。個人覺得做到皮薄餡靚嘅效果，至於餡料方面都算幾足料，皮同埋餡嘅口感都均勻🤭。
#南乳豬手（$14）
份量嚟睇豬手都算幾大舊✨，豬皮都清潔得好乾淨，唔會有啲豬毛癡喺上邊🐖。豬手都煮得好軟淰，唔使點咬都可以扯到啲肉落嚟😚，而且都食得出有南乳嘅味道🤩。
#滷水大腸（$14）
唔知點解我覺得食車仔麵係一定要配滷水大腸🤣，所以基本上我次次食車仔麵都必嗌呢個餸🤩。講返佢個味道先，我覺得佢嘅滷水大腸真係煮得好入味，個人覺得係同佢清潔大腸呢個步驟有關，清潔得乾淨嘅大腸可以避免到啲多餘嘅口感例如脂肪😵💫。呢間餐廳嘅豬大腸就清潔得好好，完全唔會有多餘嘅口感！
#酸菜腩肉 ($14)
佢嘅腩肉一樣煮得好淰，而且佢揀嘅部位係半肥瘦，對於我來講真係啱啱好🫢。配埋啲酸菜喺車仔麵入邊，成碗嘢其實都幾開胃，好快就食得晒個四餸車仔麵🤣。佢嘅腩肉有位值得讚嘅就係肉質唔會過柴，因為佢係腩肉唔係薄切，所以口感方面有提升🥰。
#自選三餸飯 （$38）
跟住要介紹嘅就係佢嘅三餸飯啦，喺講我嗌咗邊啲餸之前，我想講呢間餐廳白飯嘅質素都幾高🍚。有啲外賣飯盒嘅飯嘅口感冇咁好，唔知點解食落會有好多水氣。呢間餐廳白飯嘅口感做到粒粒分明，個人覺得外賣飯盒來講都算幾難得🫡。
#蓮藕炒雲耳
佢都算俾咗幾多蓮藕我🤣，蓮藕嘅口感爽脆，雲耳嘅大細都幾適中，唔會食得太狼狽。同埋我覺得都幾夠鑊氣👍，算係幾值得揀嘅一個餸。
#粟米雞粒
我覺得粟米雞粒呢個餸其實都算係懶人必揀嘅餸🤣，因為佢食起上嚟方便同埋又唔使𦧲骨❤️。講返呢個餸先😋，佢嘅粟米汁濃稠度啱啱好，潷起上嚟都唔會太水，肉粒嘅份量都足夠😇。
#酥炸一口骨
呢個餸真係帶到俾我驚喜，佢嘅一口骨實在炸得太酥脆🥳，而且唔會太油膩。佢嘅調味都啱啱好，食完都唔會話好想即刻飲水🤣。可以食埋個飯先再飲佢跟餐嘅竹蔗茅根水😗，喺度順便講埋佢竹蔗茅根水嘅味道，我覺得都算幾清甜😋！
👉🏻整體而言我覺得佢算係一間平民飯堂，如果住港島嘅大家諗唔到食咩都可以考慮吓去呢間餐廳試吓嘅家常小菜，同埋大家如果真係食嘅話記得用QR code落單啊，因為會有85折🤣。
評分以🌕表示（滿分為5）
賣相：🌕🌕🌕🌕🌑
味道：🌕🌕🌕🌕🌑
張貼
