影片
更多
2022-11-09
33 瀏覽
今日同男朋友收工去開鰂魚涌，見到呢間餐廳嘅門面裝修都幾特別，於是就入去試吓。入到去打開Menu，發現都幾多唔同嘅嘢食，而最後我哋就揀咗個二人餐。小食拼盤前先有個開胃沙律，酸酸甜甜好開胃，而個小食拼盤，我哋就揀咗沙嗲雞髀肉串、水牛城雞鎚同薯條加埋蕃薯條。通常我哋食開嘅雞肉串，雞肉可能都會比較乾身，要點啲沙嗲先會惹味啲，但因為佢哋用嘅肉係雞髀部份，所以本身唔點任何醬都已經非常嫩滑同好味。佢個薯條同埋番薯條亦好明顯係啱啱炸起，仲要係我最鍾意嘅粗身薯條。👍🏻主食方面，男朋友揀咗雞髀椰漿飯，佢俾咗幾啖椰漿飯我食，椰香味好重，亦都會停喺口裏面一段時間。我自己就揀咗喇沙煙肉蘑菇長通粉，通粉上面會有一隻生蛋俾我哋撈落去，望落靚之餘亦明顯睇得出餐廳非常有心思。🥰最後甜品方面，我哋就叫咗個班蘭咖咉多士。其實本身我食咗咁多嘢，都已經有少少飽肚，但原來佢個多士好值得試！個多士本身非常脆身，入面嘅班蘭咖咉就好香好軟身，成個甜品口感同味道都好岀色！我食完自己嗰份仲想食埋男朋友嗰份添！😳總括嚟講，呢間餐廳性價比十分高！我都推薦大家去試一試！
入到去打開Menu，發現都幾多唔同嘅嘢食，而最後我哋就揀咗個二人餐。
小食拼盤前先有個開胃沙律，酸酸甜甜好開胃，而個小食拼盤，我哋就揀咗沙嗲雞髀肉串、水牛城雞鎚同薯條加埋蕃薯條。通常我哋食開嘅雞肉串，雞肉可能都會比較乾身，要點啲沙嗲先會惹味啲，但因為佢哋用嘅肉係雞髀部份，所以本身唔點任何醬都已經非常嫩滑同好味。佢個薯條同埋番薯條亦好明顯係啱啱炸起，仲要係我最鍾意嘅粗身薯條。👍🏻
主食方面，男朋友揀咗雞髀椰漿飯，佢俾咗幾啖椰漿飯我食，椰香味好重，亦都會停喺口裏面一段時間。我自己就揀咗喇沙煙肉蘑菇長通粉，通粉上面會有一隻生蛋俾我哋撈落去，望落靚之餘亦明顯睇得出餐廳非常有心思。🥰
最後甜品方面，我哋就叫咗個班蘭咖咉多士。其實本身我食咗咁多嘢，都已經有少少飽肚，但原來佢個多士好值得試！個多士本身非常脆身，入面嘅班蘭咖咉就好香好軟身，成個甜品口感同味道都好岀色！我食完自己嗰份仲想食埋男朋友嗰份添！😳總括嚟講，呢間餐廳性價比十分高！我都推薦大家去試一試！
張貼
