無休站 (已結業)

地方唔大, 但勝在種類夠多, 可以俾你有好多既選擇. 尤其賣既”撈撈麵”, 同出面賣既完全唔同. 呢度賣既係選料上乘, 唔會將貨就價, 每樣配料都係精選既.尤其係螺肉, 八爪魚, 墨魚仔, 帶子裙邊, 好受食客歡迎. 再加埋特製既醬汁, 真係未食都流晒口水勒. 外面賣既撈撈麵, 啲配料全部都係細細粒, 無乜口感. 而呢度就係大大粒既, 價錢仲大眾化, 真係價廉物美, 童叟無欺.為求令食客有新鮮感, 呢度既老闆經常轉換唔同既美食, 所以每次嚟幫襯都有驚喜.除撈撈麵外, 不得不提既皇牌美食”鹽酥雞”, 同食完再番噚味既”葱油餅”勒, 兩者各有捧場客. 值得一提既係呢度賣既烤類食物, 完全唔用油去整既, 所以食得安心又放心. 烤熱既”鹽酥雞”再落埋惹味既椒鹽, yummy yummy! 而”葱油餅”加醬料再加埋自已揀既配料, 烤出嚟既鬆脆又可口, 簡直令人無法抵擋, 大家又豈能錯過呢!呢度集多國風味既美食, 實在數之不盡, 嚟到呢度又點會忍得住口, 因為緊有一款啱你. 呢度由老闆至員工, 都係親切有禮, 一句”小心熱、慢慢食”, 真係好窩心呢!