Masala Hut & Cafe (已結業)

今日下午因為要到尖沙咀做嘢，而咁啱朋友又喺附近返工，所以就約埋朋友喺尖沙咀食下lunch，因為平時都係食茶餐廳所以今日就試吓食印度餐。呢間印度餐比較特別嘅係佢係buffet形式，只係百零蚊嘅價錢就有好多唔同種類嘅印度地道小菜，而且仲有沙律等等真係超值。餐廳準備嘅食物非常之多，有炸魚，印度烤雞，咖喱羊肉，咖喱雜菜，仲有好特別嘅印度飯，除此之外店員仲會為我哋準備一個薄餅，用嚟配咖喱真係一流，薄餅焗得好香脆可口，而且充滿牛油嘅香味，真係要一試再試，之後店員仲話我哋送上一個類似pancake嘅薄餅，裏面仲有薯仔做餡料，第一次食咁樣嘅pancake，好好食仲有少少辣味，好快我哋已經填飽左個肚，餐廳店員都會主動問我地覺得食物質素點樣，而且餐廳店員嘅服務質素都非常之好，最後仲問我地想飲啲咩，我朋友點左杯可樂而我就點左檸檬梳打，餐廳所整嘅檸檬梳打非常之好飲，唔太酸之餘食完一啲重口味嘅食物再飲番一杯檸檬梳打感覺個口腔即刻好清新。估唔到只係百零蚊嘅價錢已經食到咁地道嘅印度菜，而且係任食，好多嘢食都真係好好味，可惜今朝早餐食得太飽如果唔係真係要同佢血拼到底，如果下次有機會出尖沙咀，一定會再嚟食呢間物超所值嘅