影片
更多
2018-05-19
73 瀏覽
今晚同事同我補食生日飯，黎到我地都好想食既倫哥私房菜，聽就聽得多啦，終於第一次食！聽日要返工所以早啲開始食，四個人坐卡位都幾闊落下。 一坐得就有兩碟小食，涼拌雲耳酸酸地做前菜岩晒；肉碎四季豆，少少辣幾好味！飲品係自助既，有酒精既要另外加價，不過無酒精既已經好多選擇。我地簡左五花茶，無咁熱氣！佢唔會太甜，感覺好健康！返到位已經上左鮑魚冬菇，鮑魚好彈牙好好食啊！冬菇又夠入味。 之後就上左碟水果沙律配果醋，食落好清新好順口，如果份量多啲就好啦！ 象拔蚌刺身有驚喜，口感唔馬刀貝咁爽口而係半爽口，哈哈！再加上少少海水味，正！主角之一黎啦，雞煲！侍應哥哥話要煮八分鐘，每兩分鐘打開拌一拌，怕痴底。其實我已經較左alarm不過都係miss左一次，好彩都無痴底！雞煲好香好濃味！雞既份量都幾多，侍應哥哥仲問我地要唔要refill我地唔洗啦，要留肚打邊爐嘛。 黑糖冰涼粉話係食完濃味雞煲清清味蕾用既，勁貼心喎。唔會太甜幾好。另一個主角黎啦，原來個湯底係水果湯底？！我真係第一次聽，見到入面有西瓜，粟米咁，好擔心會係咩味。配料方面豐富囉，午餐肉腸仔蟹柳，水餃魚蛋魚皮響鈴。墨魚滑，黑色個個，勁好食！我地食左三條！一
一坐得就有兩碟小食，涼拌雲耳酸酸地做前菜岩晒；肉碎四季豆，少少辣幾好味！飲品係自助既，有酒精既要另外加價，不過無酒精既已經好多選擇。我地簡左五花茶，無咁熱氣！佢唔會太甜，感覺好健康！
返到位已經上左鮑魚冬菇，鮑魚好彈牙好好食啊！冬菇又夠入味。
之後就上左碟水果沙律配果醋，食落好清新好順口，如果份量多啲就好啦！
象拔蚌刺身有驚喜，口感唔馬刀貝咁爽口而係半爽口，哈哈！再加上少少海水味，正！
主角之一黎啦，雞煲！侍應哥哥話要煮八分鐘，每兩分鐘打開拌一拌，怕痴底。其實我已經較左alarm不過都係miss左一次，好彩都無痴底！雞煲好香好濃味！雞既份量都幾多，侍應哥哥仲問我地要唔要refill我地唔洗啦，要留肚打邊爐嘛。
黑糖冰涼粉話係食完濃味雞煲清清味蕾用既，勁貼心喎。唔會太甜幾好。
另一個主角黎啦，原來個湯底係水果湯底？！我真係第一次聽，見到入面有西瓜，粟米咁，好擔心會係咩味。配料方面豐富囉，午餐肉腸仔蟹柳，水餃魚蛋魚皮響鈴。墨魚滑，黑色個個，勁好食！我地食左三條！一定要叫！
牛肉好高質，有牛味又夠滑，又唔會太肥！不過再要就額外比錢啦！
海鮮拼盤有龍蝦、大蝦、貴妃蚌、蟶子、蜆、蠔、魚！全部都好新鮮，呢個價錢又雞煲又海鮮真係值回票價！講返個湯底先，有驚喜！因為佢清清地唔會搶到食物本身個味又唔會膩！
食完原來仲有甜品，燕窩燉鮮奶，好滑好香，為我地既晚餐畫上完美既句號。
張貼
