影片
更多
2021-06-01
111 瀏覽
點心任食平日$100有找！ 超平！一至五$78/位；星期六、日及公眾假期$98/位。另加茗茶$12/位及加一服務費～ 點心放題分兩個時段：🔸11:45-13:15🔸13:30-15:00打開點心紙，除咗多款點心，仲有粥粉麵飯、小食、甜品。非常之多選擇。除咗食物，飲品都係任飲，有多款唔同嘅汽水🥤出邊仲有個自助大排檔小食區，有碗仔翅、豬紅、咖喱魚蛋、XO醬炒腸粉、煎蝦韭菜餅等等。而且仲有一隻乳鴿送，乳鴿都幾香口☺️我食咗豬紅覺得唔錯，咖喱魚蛋大大粒，咖喱味幾香。XO醬炒腸粉唔會太辣。點心當然要叫蝦餃、燒賣。蝦餃夠大粒，而且蝦幾爽口。點心熱辣辣，值得一讚🤩燒賣都夠大粒，不過鹹咗少少。炸春卷卜卜脆。我反而幾鍾意食呢度嘅蒜蓉菜心，炒涼瓜都唔錯！蒸腸粉夠滑，我揀咗豬潤腸粉。豬潤又夠爽口，幾好食😋蒸排骨、馬拉糕、奶黃薯棗。蒸排骨夠滑，唔錯🙃我鍾意食馬拉糕夠鬆軟，又唔會太甜😍奶黃薯棗好似煎堆咁，入邊充滿奶黃！小食叫咗脆豆腐、炸魷魚鬚、牛柳粒都相當唔錯！豆腐夠脆，入邊啲豆腐又滑😋炸魷魚鬚帶有椒鹽香味。牛柳粒肉質唔錯，仲配炒翠玉瓜！最後叫咗自家製鯪魚燒賣幾特別！啖啖鯪魚肉！呢個價錢任食任飲，咁多款點心、小食
點心任食平日$100有找！ 超平！
一至五$78/位；星期六、日及公眾假期$98/位。另加茗茶$12/位及加一服務費～
點心放題分兩個時段：
🔸11:45-13:15
🔸13:30-15:00
打開點心紙，除咗多款點心，仲有粥粉麵飯、小食、甜品。非常之多選擇。除咗食物，飲品都係任飲，有多款唔同嘅汽水🥤
出邊仲有個自助大排檔小食區，有碗仔翅、豬紅、咖喱魚蛋、XO醬炒腸粉、煎蝦韭菜餅等等。而且仲有一隻乳鴿送，乳鴿都幾香口☺️
我食咗豬紅覺得唔錯，咖喱魚蛋大大粒，咖喱味幾香。XO醬炒腸粉唔會太辣。
點心當然要叫蝦餃、燒賣。蝦餃夠大粒，而且蝦幾爽口。
點心熱辣辣，值得一讚🤩燒賣都夠大粒，不過鹹咗少少。
炸春卷卜卜脆。我反而幾鍾意食呢度嘅蒜蓉菜心，炒涼瓜都唔錯！
蒸腸粉夠滑，我揀咗豬潤腸粉。豬潤又夠爽口，幾好食😋
蒸排骨、馬拉糕、奶黃薯棗。蒸排骨夠滑，唔錯🙃我鍾意食馬拉糕夠鬆軟，又唔會太甜😍奶黃薯棗好似煎堆咁，入邊充滿奶黃！
小食叫咗脆豆腐、炸魷魚鬚、牛柳粒都相當唔錯！豆腐夠脆，入邊啲豆腐又滑😋
炸魷魚鬚帶有椒鹽香味。牛柳粒肉質唔錯，仲配炒翠玉瓜！
最後叫咗自家製鯪魚燒賣幾特別！啖啖鯪魚肉！
呢個價錢任食任飲，咁多款點心、小食選擇，食90分鐘好夠，真係超級抵！
張貼
