岳川串揚

營業中

休息中

📍岳川串揚 銅鑼灣摩理臣山道8號地舖入到間餐廳裝修好有去咗大阪嘅感覺！每份午市套餐都配有味噌湯、醃漬物、麻醬小蕃茄同飲品，好抵食，而味道都真係好日式！1️⃣ 和風照燒雞扒烏冬 配 可口可樂 $78雞扒調味鹹鹹甜甜咁，外皮咬落香脆，而肉質嫩滑。烏冬十分煙靭，湯底調味唔會太鹹，食完好舒服！2️⃣ 招牌大阪土手燒牛舌冷烏冬 配 無糖可口可樂 $84份量頗大，牛舌煮得好腍，蘿蔔亦都好入味。冷烏冬口感都係煙靭，值得一提嘅係餐廳好貼心咁樣將烏冬汁、Wasabi、同埋葱分開，食客可以根據自己嘅喜好選擇添加與否👍🏻