一遊

營業中

休息中

好耐都冇嚟過尖沙咀諾士佛台食飯，難得今日一次過可以約得晒好耐都冇見嘅老朋友，所以就決定嚟一間日本居酒屋，始終我哋大家都鍾意飲酒，到日本嘅居酒屋可以邊飲邊食。呢度嘅裝修都好有日本風格，而且燈光暗暗地，一班朋友嚟食嘢飲酒就最適合。一來就要sake先啦，店員推介神龍純米大吟釀，係經過長期低溫發酵，超級容易入口，我覺得我自己一個人有一支都真係冇問題。食物方面都超正，八爪魚沙律上面有果蓉，好refreshing。炸雞軟骨同炸八爪魚用嚟送走一流！sashimi platter有生磨wasabi，超好食！油甘魚好肥美，鮑魚口感都好正，醬汁調校得剛剛好。串燒牛舌同雞肉串係我嘅最愛，食得出個火候剛剛好！鐵板宮島蠔又大隻又肥美，加埋甜甜地嘅醬汁，真係超好食，呢個我覺得係必點！海膽炒飯亦都炒得好香，為呢一餐畫上完美嘅句號。