通記海鮮野味酒家 (已結業)

一家四口星期天家庭日去左西貢，當然要食返餐海鮮餐先走啦！專登早食唔洗等位，揀左哩間西貢老字號《通記》首先當然要揀返啲正海鮮先啦！ 啲店員好熱情又有禮貌，介紹晒啲海鮮比我地揀，又唔介意我問長問短。仲教埋我揀添喎。。。超細心！ 海麻蝦我個仔嘅是日精選。。。又幾識揀喎，一指就指住啲海麻蝦，好大隻，好爽甜，而且灼得剛剛好，蝦頭仲有啖海水，鮮甜得交關。而且上菜非常快，點左坐低5分鐘就有。 你睇幾大隻！！ 椒鹽賴尿蝦又係好彈牙，好鮮甜新鮮，因為啲肉質好實，一啲無縮水！ 連尾都咁好肉喎~刺身拼盤重點係個墨魚刺身，因為真係新鮮切的，仲係半透明嫁，好黏口，好爽甜，其他都係差不多啦！ 清蒸彬班好滑，好岩呀仔食，又蒸得剛好，一啲唔老。 豉椒炒蟶旨惹味又鮮味，好爽口彈牙，辣味在後頭。 清蒸藍花蟹殼薄，好肉，又好汁，鮮甜到不得了，個鉗都唔洗用交剪開，一扭開關節成條肉出黎啦，無得彈！ 甜品芒果布甸見到咁大條真係飽飽地，好在有阿仔係度，食左半條，我執個尾！！！送水果個橙都好甜~滿足晒~雖然平時少去西貢，又成日覺得哩啲大店只係做遊客生意，但今次真係無去錯喎，仲抵過我去三聖食喎~走哩時候仲見到李錦聯師傅都係坐上客添，