影片
更多
2009-03-20
194 瀏覽
因為公司要員要回歸, 講明想食"意大利"菜. 經某某介紹話超讚水準, 而且在網上睇到好多個唔好的評分. 呢間位於上環的意大利餐廳, 一行13人.我會比個咁低o既評分, 係因為..........先從餐廳傳真set定o既只有3個course o既晚餐.頭盆3選1, 有蝦沙津生牛肉芝士雜菜湯主菜4選1, 有佢地提出招牌菜"燒春雞"羊魚本來3選1的, 但因為有牛魔王, 所以加咗個牛, 餐廳話如果咁多選擇要每人加HKD50. 是但啦.最後係甜品, 冇得揀Sorbet with fresh fruit and Moreno cherry syrup咖啡或茶欠奉一入餐廳, 各自點飲品, 點咗杯橙汁, 得7成滿而且我從未飲過經過過慮的鮮搾橙汁, 可以一粒果肉都冇.頭盆我揀Beef Carpaccio, 賣相正常, 但貌似牛肉o既肉無牛肉味, 好彩仲有D cheese味. 左邊同事食沙拉, 嘩嘩嘩, 意大利田園風, 成兜都係菜, 又話有蝦o既? 原來好似有D男士送鑽戒比女朋友咁大, 有3隻蝦仔. 跟住又試咗右邊個同事少少菜湯, 5555555(無味)的.然後係主菜, 4個人點羊, 7個牛, 1個魚同1
因為公司要員要回歸, 講明想食"意大利"菜. 經某某介紹話超讚水準, 而且在網上睇到好多個唔好的評分. 呢間位於上環的意大利餐廳, 一行13人.
我會比個咁低o既評分, 係因為..........
先從餐廳傳真set定o既只有3個course o既晚餐.
頭盆3選1, 有
蝦沙津
生牛肉芝士
雜菜湯
主菜4選1, 有
佢地提出招牌菜"燒春雞"
羊
魚
本來3選1的, 但因為有牛魔王, 所以加咗個牛, 餐廳話如果咁多選擇要每人加HKD50. 是但啦.
最後係甜品, 冇得揀
Sorbet with fresh fruit and Moreno cherry syrup
咖啡或茶欠奉
一入餐廳, 各自點飲品, 點咗杯橙汁, 得7成滿而且我從未飲過經過過慮的鮮搾橙汁, 可以一粒果肉都冇.
頭盆我揀Beef Carpaccio, 賣相正常, 但貌似牛肉o既肉無牛肉味, 好彩仲有D cheese味. 左邊同事食沙拉, 嘩嘩嘩, 意大利田園風, 成兜都係菜, 又話有蝦o既? 原來好似有D男士送鑽戒比女朋友咁大, 有3隻蝦仔. 跟住又試咗右邊個同事少少菜湯, 5555555(無味)的.
然後係主菜, 4個人點羊, 7個牛, 1個魚同1個雞. 我點咗羊, 賣相都唔錯, 中間有個好好笑o既笑話, 因為唔係我親身經歷, 希望有機會佢地會發表啦.
正要開動時, 個waiter走呢話漏單, 隻雞唔記得煮, 仲要同我地講, 因為得一個人點雞, 所以漏咗, 就係咁就已經唔值咁o既收費啦. 我個同事即刻反應話, 嘩嘩嘩啲咩解釋呀, 點講都係你地唔啱啦, 你反而講因為只有一個人點雞所以漏單?????? 唔漏都漏咗, 唯有叫個watier盡快叫廚房做啦, 佢又話要10分鐘. 早知漏單就唔好同我地上菜啦, 咁我地食唔食好呀?
更奇怪o既係, 魚都係得一個人叫姐, 又唔漏單ga???????
成間餐廳室內得我地13個人, 外面就得幾丁友添. 咁都可以漏得單???
跟住梗係食啦, 3舊用燒焦咗的煙肉片包住o既羊肉, 有D又碎又雜o既雜菜同一匙potato puree. 嘩, 又要嘩嘩嘩, 好鹹呀, 我個同事以為我誇張唔信, 點知佢食完話唔好再食啦, 的伴碟菜一樣"鹹"死人, 乜意大利人真係食得鹹? 邊度o既意大利人食得咁鹹呀? 佢地會唔會個個都有腎石呢? 見到對面個同事食牛, 名副其實燒牛燒得好鬼均勻添(成舊都係炭黑色), 切開連裡面都well done, 加上張刀唔係食牛用o既. 見佢食得又切得辛苦, 仲有佢舊牛仲鹹過我啲羊.
成村人食食食, 你都知個主菜份量都唔方會多啦, 由其我得3舊5蚊銀咁大舊既羊肉, 一早就食完啦, 但隻雞仲未到. 再問點解仲未得, 個waiter去廚房番來講原先要20分鐘, 因為漏單, 所以已經將火加大都要10分鐘ga, 吓, 又10分鐘,, 咁到底幾時開始計10分鐘呀? 2分鐘後另一個waiter又呢講, 不如改牛或羊啦, 會快D. 咁我問係唔係牛同羊即刻有, 雞就要再等10分鐘呀, 佢話唔係, 牛同羊要5分鐘, 雞要7分鐘, 咁我地梗係話差2分鐘梗係要雞啦, 而且雞又話係你地的招牌菜wor. 點知又黎另一條西裝友, 話不如改食牛或羊啦, 因為隻雞仲要等10分鐘, 嘩我地成班的火就真係起啦, 不早講今日無雞食啦. 大家都食完, 佢又囉唔出隻雞, 無選擇下唯有改食牛啦.
咁無雞供應, 先前要加我地HKD50話我地咁多選擇, 咁係唔係會退返比我地????????答覆係無o既.
我大大話話去過好多5/6星級餐廳, 而且食盡法式, 意式, 歐洲式至中式或港式茶餐廳, 都未試過以上的經驗. 我只可以以超星級收費, 超低水準服務同食物來形容.
我比N個 XXXXXXXXXXXXXXXXXXXXXXXXXXXXX佢
張貼