影片
更多
2022-08-15
137 瀏覽
太子餅店旗下之私房菜餐館 𝓛𝓮 𝓒𝓱𝓮𝓯𝓮𝓽𝓮𝓻𝓲𝓪 💛先講重點感受：每位廚師及店員好勤力去共同用心經營 ❤️廚藝＋食物＋氣氛＋服務 全高質 💖食材天然有機無添加 🌱追求多層次口感 創意配搭多樣化 👏實話實說先，本人真係好少去食d高級/高質嘢，因為老友生日週所以就想俾d驚喜佢，帶佢去食餐好嘅，點知連我自己都驚喜埋！🤩🎉餐館都未係話去到非常之隱世嘅，佢好近銅鑼灣利園三期架咋！「隱世」唔代表係威d ，只係行得冇咁就腳，所以唔想濫用呢個詞 😂最緊要係用餐體驗愉快，感覺滿足，係咪😁？餐館位於一座唐樓內。樓下都擺咗餐牌同指示牌，一d都唔難搵嘅！👍反而覺得個感覺係似打開寶箱多d！💎因為門面係純白色牆同大門，按門鐘後，負責人Ada就接待我哋，原來入面佈置得幾有格調 😃🤍地方唔算大，反而更覺放鬆，同坐得好舒服 😊💕當日我哋係平日嘅中午時候去，餐館都有一系列精心設計嘅午市套餐 😄🍽️ 𝐎𝐧𝐬𝐞𝐭 𝐨𝐟 𝐬𝐮𝐦𝐦𝐞𝐫 𝐬𝐞𝐭 𝐥𝐮𝐧𝐜𝐡 🥂Appetizer + Main + Drink(免加一服務費 no service charge)坐低冇耐，Ada即刻遞來2杯 烏龍玫瑰冷泡茶 🍵茶聞起來淡香，飲落口好清
先講重點感受：
每位廚師及店員好勤力去共同用心經營 ❤️
廚藝＋食物＋氣氛＋服務 全高質 💖
食材天然有機無添加 🌱
追求多層次口感 創意配搭多樣化 👏
實話實說先，本人真係好少去食d高級/高質嘢，
因為老友生日週所以就想俾d驚喜佢，帶佢去食餐好嘅，點知連我自己都驚喜埋！🤩🎉
餐館都未係話去到非常之隱世嘅，佢好近銅鑼灣利園三期架咋！「隱世」唔代表係威d ，只係行得冇咁就腳，所以唔想濫用呢個詞 😂
最緊要係用餐體驗愉快，感覺滿足，係咪😁？
餐館位於一座唐樓內。樓下都擺咗餐牌同指示牌，一d都唔難搵嘅！👍
反而覺得個感覺係似打開寶箱多d！💎
因為門面係純白色牆同大門，按門鐘後，負責人Ada就接待我哋，原來入面佈置得幾有格調 😃🤍
地方唔算大，反而更覺放鬆，同坐得好舒服 😊💕
當日我哋係平日嘅中午時候去，餐館都有一系列精心設計嘅午市套餐 😄
🍽️ 𝐎𝐧𝐬𝐞𝐭 𝐨𝐟 𝐬𝐮𝐦𝐦𝐞𝐫 𝐬𝐞𝐭 𝐥𝐮𝐧𝐜𝐡 🥂
Appetizer + Main + Drink
(免加一服務費 no service charge)
坐低冇耐，Ada即刻遞來2杯 烏龍玫瑰冷泡茶 🍵
茶聞起來淡香，飲落口好清爽 😌
💁♀️負責人Ada話，餐館主打所有食物都係用原天然食材，自家製並無添加，即例如要雞湯，唔會出去超市買盒湯包返嚟用，餐館會用新鮮雞熬製咁樣。
再者係即叫即做，不會整定，除咗食物準備上要預先處理或例如醃製等特別工序除外。
仲有，關於食料嘅口感，佢哋都好講究。
廚師對食物texture方面真係好有要求，例如好細微嘅脆脆片/脆脆粒等等，佢地可以自製幾種唔同質感/大小/形狀，放入保溫爐度保存，每種料嘅開始製作時間都唔同，所以要不時睇實d自製用料！
我聽到都覺得佢哋好用心啊，幾個人要兼顧咁多嘢 🥰 真心佩服！🙏
ᴀᴘᴘᴇᴛɪᴢᴇʀ
🍞 自家製蒜蓉包
麵包自己搓自己焗！同牛油都係自家製！
當拎嚟果陣，見到搽嘅牛油蒜蓉醬都俾好多 😍
好香囉！食落去唔會話好勁漏嘅牛油味...即唔係平時超市買果d咁高脂肪或咁油身，呢度食10塊都唔會覺漏 😃👍
🍲 法國海鮮清湯
湯清甜😄北海道帶子整得外脆內軟，口感仲好彈牙🤩
🍲 番茄薄荷湯
湯面放咗自家製嘅 Sundried Tomato片，醃製到個味道好特別又香！睇相都已經見到個湯係好濃郁，滿滿嘅番茄蓉，打得勁幼細😋 酸酸甜甜好開胃❤️
主菜：
🥓 脆皮豬腩肉 配 泰式青芒果沙律 $298
🔹做法幾有趣，先將豬手拆肉，然後用少少sake及香料去慢蒸，然後再慢炸。做到外脆內嫰，一啖有兩重口感👏😋
🔹再配埋青芒果沙律，形成口味強烈對比呢！腩肉食落去汁味濃，再一口芒果沙律，沙律拌有青瓜、胡蘿蔔絲及洋蔥絲加上醋汁，芒果好甜！酸酸甜甜又爽口嘅沙律配脆炸豬腩肉真係超夾！🤩
🥩 慢煮紅酒燴牛膝 配 法式薯泥 $318
牛膝煮得好淋，配埋甜脆豆，好爽甜，落咗dd辣增強口味；再配埋自家製嘅法式薯泥🥔 薯泥口感好柔滑，同平時出面食口味不同，呢度唔會用忌廉同牛油做，係用椰奶＋香茅 😮 唔怪之得食落去特別香口，薯蓉整到好滑漏！😍
甜品：
🥞 Banana Roti 香蕉薄餅
🔸面頭咁靚嘅桃紅色食用粉，係採用天然色素，用紅菜頭烘乾再打磨成粉整架 🤩 原來天然食物都可以整到咁靚嘅顏色！💕
🔸薄餅係似酥皮咁嘅口感，酥脆並厚薄均勻！師傅做呢道呢度甜品係會行出嚟表演即場拉薄餅架！🔥😍
幾開心啊我，好耐冇睇喇 (好掛住旅行🙈)
亦證明真係即叫即做！唔係用出面買嘅薄餅皮！
師傅真心好手勢👏
🔸薄餅內裡夾堆好多好多嘅香蕉、花生、椰子乾，薄餅搓好會先攞去煎至焦脆，然後攞去烘一烘，上碟，加個自家製嘅雲尼拿雪糕，會有dd威士忌酒味道。
🔸至於🍓+ Raspberry 醬汁，先煮咗mixed berries汁加少少奶，再放入壓縮噴壺，噴出嚟用😲 所以唔會好似平時食西多或pancake咁，倒嘅syrup果種咁平實嘅口感，噴出嚟foam嘅醬汁，食落去感覺好立體咁嘅感覺，好light，好似飲緊梳打汽水，好得意！🤩 所以食咗多件都唔覺漏👏👏👍
飲品：
☕ Torino 意大利北部咖啡
(可配玉桂粉)
Fruity度適中，味道較溫和，飲落好香醇滑口 😃
餐飲體驗都十分愉快，廚師們及負責人 Ada 兼顧周到，耐心講解又大方分享，十分感謝佢哋 🙏😃❤️
Banana Roti
20 瀏覽
0 讚好
0 留言
Banana Roti
15 瀏覽
0 讚好
0 留言
脆皮豬腩肉配青芒果沙律
3 瀏覽
0 讚好
0 留言
番茄薄荷湯
5 瀏覽
0 讚好
0 留言
3 瀏覽
0 讚好
0 留言
7 瀏覽
0 讚好
0 留言
張貼
