影片
更多
2022-07-06
1626 瀏覽
放工同朋友喺北角食飯，我提議去幫襯「歡喜」。我未食過㗎，但之前經過覺得餐廳好靚，一直Bookmark咗想試吓，今晚終於有機會😁。歡喜兩隻字用霓虹燈整成🚦，綠底紅字好矚目。除此之外，舖內裝修亦切合返北角嘅主題，例如有舊北角邨同碼頭嘅牆畫同戲院海報打卡位🎬。餐廳定價相宜，我第一眼就睇到不設加一，而且大部份主菜一百蚊樓下有找，茶記食碟港式意粉都差唔多價錢🍝。我哋要咗二人分享套餐($308)，套餐內容超豐盛，就連大食嘅我倆都幾乎食唔晒。份量多，味道佳😋，真係令人好歡喜。澳洲牛肉眼扒(10oz)，本身對牛扒不抱期望🙈，因為心諗成個餐先三百蚊，塊扒都唔慌靚得去邊，不過實際上超出色。🥩呢件肉眼絕對係色香味俱全之作，質素可媲美高級扒房嘅水準。首先，牛扒夠大件，足十安士之餘，又夠厚切，所以食落好有滿足感。第二，👨🏻🍳廚師烹調出色，牛扒外層富有炭燒香氣，仲帶點微微脆；而肉身就保持軟嫩，咬落多汁，牛味濃郁，每一啖牛扒嘅口感都好豐富，簡直係完美嘅體驗。伴菜部份錦上添花，包括有煎新薯🥔、蕃茄同蒜頭等。蕃茄菠菜芝士雲吞🥟，澱粉質主菜六選一，其實款款都好吸引，不過驚太飽，所以先揀咗意大利雲吞。雲吞有五隻，無論Pa
放工同朋友喺北角食飯，我提議去幫襯「歡喜」。我未食過㗎，但之前經過覺得餐廳好靚，一直Bookmark咗想試吓，今晚終於有機會😁。
歡喜兩隻字用霓虹燈整成🚦，綠底紅字好矚目。除此之外，舖內裝修亦切合返北角嘅主題，例如有舊北角邨同碼頭嘅牆畫同戲院海報打卡位🎬。
餐廳定價相宜，我第一眼就睇到不設加一，而且大部份主菜一百蚊樓下有找，茶記食碟港式意粉都差唔多價錢🍝。
我哋要咗二人分享套餐($308)，套餐內容超豐盛，就連大食嘅我倆都幾乎食唔晒。份量多，味道佳😋，真係令人好歡喜。
澳洲牛肉眼扒
42 瀏覽
0 讚好
0 留言
首先，牛扒夠大件，足十安士之餘，又夠厚切，所以食落好有滿足感。第二，👨🏻🍳廚師烹調出色，牛扒外層富有炭燒香氣，仲帶點微微脆；而肉身就保持軟嫩，咬落多汁，牛味濃郁，每一啖牛扒嘅口感都好豐富，簡直係完美嘅體驗。伴菜部份錦上添花，包括有煎新薯🥔、蕃茄同蒜頭等。
蕃茄菠菜芝士雲吞🥟，澱粉質主菜六選一，其實款款都好吸引，不過驚太飽，所以先揀咗意大利雲吞。雲吞有五隻，無論Pasta皮定菠菜餡都唔錯，配上茄醬食能刺激味蕾🥫，而且應該無忌廉汁咁溜。
高興雞中翼配牛油果醬及酸忌廉
$49
17 瀏覽
0 讚好
0 留言
蜜瓜風乾火腿串
$49
18 瀏覽
0 讚好
0 留言
日式芝麻汁豆腐沙律，🥗我無諗過跟餐嘅沙律會咁大碟，佢唔止開胃咁簡單，直頭可以填飽個肚。蔬菜配麻醬比起醋汁易入口，而且豆腐滑嘟嘟，食起嚟好得意。
是日餐湯，湯品可算係全晚最平平無奇嘅菜式，哈哈🤣。蕃茄湯屬正常水平，並非用茄膏開，飲完唔口乾，而且夠晒熱辣辣🍅。
是日甜品，跟餐蛋糕一啲都唔馬虎，一人有一件🍰。蛋糕有好多層，上面嘅忌廉綿滑唔膩，而下層仲有慕絲同海綿蛋糕，中間滲出淡淡咖啡香同朱古力味☕️。
飲品方面，套餐包茶或咖啡，並可享主餐牌無酒精飲品半價優惠。我哋要咗凍抹茶拿鐵🍵(原價$33)以及巧克力OREO沙冰🍫 (原價$33)，兩杯造型好唔同，好似大人同小朋友，但共通點係唔太甜。Latte抹茶味顯著，口感順滑；而沙冰嘅朱古力味好濃，曲奇則作點綴。
總括嚟講，我哋今個晚上喺歡喜過得超歡喜❤️🍽，本身只係想嚟打卡，點知食物水準令人喜出望外，特別係件牛扒，真係不得了。最後，性價比高亦係餐廳賣點之一，我絕對會再次嚟幫襯，歡喜值得大家支持，高度推介👍🌟！
張貼
