爆爆鍋 (已結業)

一間位於銅鑼灣嘅一人火鍋店，主打高質精緻鍋物😋，店員會即場喺餐枱度幫你炒香每一鍋湯底料，然後再加湯💥。而且仲有蔬菜吧，可以免費任攞🥬。.🐮石紋精選牛肩肉套餐($206)呢個套餐，我哋就揀咗石紋精選牛肩肉，配埋爆炒櫻花蝦鮮鍋🦐。湯底有濃濃嘅櫻花蝦甲殼香味，加上海鮮嘅鮮味，配埋蔬菜同埋肉類都好夾👍🏻。套餐裏面仲包埋寬粉，我哋亦都加購咗脆卜卜嘅夜市炸魷魚🦑。飲品就有充滿台灣風味嘅寒天翡翠檸檬。.🐄澳洲M5和牛肩胛肉眼套餐($240)另一款鍋，我哋就揀咗澳洲M5和牛肩胛肉眼，配爆炒沙茶石頭火鍋🔥。沙茶醬嘅味道超香濃，一炒嘅時候，香味充滿晒成個空間。而且M5和牛嘅肉質都夠晒油香🥩。我哋同樣揀咗彈牙又掛湯嘅寬粉，亦都加購咗清爽嘅鳳梨涼伴章魚🐙。打邊爐梗係唔少得另一款台灣飲品，冬瓜檸檬愛玉啦。