鮨政

營業中

休息中

呢間上環嘅日本餐廳已經開業七年啦！由以前食到而家，但係就第一次食佢哋嘅廚師發辦🙂‍↕️三款刺身同十款壽司都好有驚喜，尤其喜歡生蠔同埋火炙梳子魚，生蠔肥美又大隻，梳子魚輕輕燒過，超級香口！壽司有最大路最受歡迎嘅海膽、拖羅同赤身，亦都有深海池魚、鯖魚等等，最深刻嘅係平時唔鍾意食嘅沙甸魚，佢都整得好好食😳熟悉有炸香魚，仲有用魚頭煲嘅麵豉湯，誠意十足～最後梗係唔少得精緻嘅甜品，呢度嘅甜品係日式奶凍配上抹茶！