大灰熊廚房 (裝修中)

呢日又係我負責買外賣番去俾屋企人食～去到帝景灣商場呢間大灰熊廚房試試佢！估唔到又真係幾夠獲氣！我地叫左滑蛋炒蝦仁，土匪雞翼同埋粟米豆腐羹，滑蛋炒蝦仁D蛋真係好好食，D蝦仁又夠哂大粒同份量又夠多，配飯食一流！另外佢既土匪雞翼係單骨雞翼，夠哂方便，唔會食唔到D肉，佢雖然都係叫土匪雞翼，但同連鎖米線鋪個隻唔同，佢呢隻係醃好再炸好左再有炸蒜係面頭～食落夠哂惹味，又夠方便，成碟都有唔少雞翼！正！最後個粟米豆腐羹夠哂足料，都食到好多豆腐同埋粟米係入面，飲落又唔會咸，屋企人都好滿意今餐！餐廳外賣質素好，而家網上外賣平台仲可以叫添！