庭昌麵包餅店

營業中

休息中

我一直都喜愛麻薯波波，好多麵包舖都有得賣，通常有原味、朱古力、黑芝麻、咖啡等味。我又好喜歡菠蘿包，經過這家庭昌，門口有張相吸了我的目光，菠蘿皮麻薯波波，嘩，將我兩種喜愛的食物二合為一，究竟得唔得？當然第一時間入去睇下，當時都只是博下，因為已是下午五點幾近六點，都可能賣晒。.入到店，有個位特別有多幾個人，我仲以為麵包舖晏啲通常特價推賣麵包清貨，行埋去原來係菠蘿皮麻薯波波，而且仲係脹卜卜，出爐不久，只剩唔夠十個，$11有3個，size不錯。.俾完錢攞落手仍有暖意，第一啖食口已覺好正，正啲乜？首先啲菠蘿皮好脆，同時又唔會過硬，甜度適中，少少甜夠滋味得來又唔會過份，個麻薯波波又好煙韌，轉眼間3個好快食完左，下次真係最少要買6個😅😅其實我係啱啱食完晚飯，呢個飯後甜品我好滿意，真係的確甜品係有另一個胃，哈哈😆😆.仲有，我搵極都搵唔到銀包，個收銀員好耐心咁微笑叫我慢慢，大力推介。