米串咀 (已結業)

間唔中經過依間「米串咀」都見到唔少人排隊，今晚諗住買啲野返屋企加餸就入去買左份「水煮牛肉」同8串麻辣燙。佢地最大既賣點我諗就係佢哋既主食同埋飯係會用罐頭形式咁包裝，應該咁樣保溫會比較好。「水煮牛肉」：原本其實想食「重慶雞煲」，但6點幾已經賣曬就揀左「水煮牛肉」。打開蓋已經聞到果陣川辣味，辣油同花椒都幾多下。$55黎講，份量算唔錯，牛肉都非常嫩滑，但唔食得辣既朋友仔就可能唔太岩食，因為都算幾辣下😆「麻辣燙」：「麻辣燙」既款式個人覺得幾豐富，而味道就有紅油麻辣味同藤椒味俾大家選擇，食左水煮既關係就揀左藤椒味，藤椒食落都幾有椒香，但就唔算辣，所以想過下四川癮既朋友仔不妨試下。