螢壽司 (已結業)

是日約了朋友到SOGO同希慎行街，行之前當然要填飽個肚先會有力行，上網搵左一陣資料就決定黎食日本野。餐廳位於SOGO的後街幾行鐘路程十分方便。芝士三文魚沙律($68)第一次食芝士三文魚既沙律，芝士既濃味加上三文魚既魚香還有蔬菜的清新感覺，真是開胃的絕佳菜色。芝士海膽釀松葉蟹蓋($78)一款廚師精心煮理的菜色，先將蟹肉起出，再將肉填滿係蟹蓋之中，再加上海膽同埋蛋漿，最後係面上加一層厚厚既芝士，用料十足，未整開芝士已經有陣陣既香味散發，芝士海膽再加蟹肉形成一個有豐富層次感的口感同埋味道，跟朋友食完都好回味。吉列廣島蠔($32)外面的皮炸得十分酥脆，咬落口有好清脆的聲音，但蠔也可以保持到肉汁係內部沒有流失到。而且肉質炸到完全熟透，十分淋沒有老，十分細嫩及充滿肉汁。日本伊勢海老烏冬($168)原隻伊勢海老，十分大隻比手掌還要大，湯汁是濃濃既海老湯底，還有半個糖心蛋，呢半個糖心蛋做得十分出色，成個好似布甸咁柔軟而且做得十分入味，連蛋黃也吸收晒味道。另外有魚刺同埋原隻足料既海老，海老肉十分多，肉質十分結實，蝦味十分重。最後加上係湯到吸收了全部精華既烏冬，食完兩個人都滿足晒。