Centre Street Bar (已結業)

同frd齊齊搶到信用卡優惠，去港島太平洋酒店食海鮮拼盤，bar本身未必長期供應，只係兌換地方響度。我地3個人有2盤食，落完order就等食，見到店員響樓上拎拼盤落黎嘩鋪到成盤都係！一盤有齊大蝦、青口、螺、蟹腳、龍蝦，隨時仲齊過食buffet，海鮮既size仲大隻、新鮮d添！新鮮不在話下，食落仲會有陣陣海水味超正！！我食海鮮鐘意原汁原味，因為海鮮夠靚原味先最好食（廢話🤣），不過見佢跟餐送左碟醬就試下。醬汁微辣，就咁食唔太好食，但大蝦一點落去，好神奇地完全轉左另一種味！唔識點形容，但就係保持到蝦既鮮味同時、又有另一種風味！好好食！！我好想特別比個大頭shot龍蝦，原因係...真不得了，勁多春！！！好多膏！！！第一次食龍蝦食春多過食肉！！！食食下都特登抹乾淨手影相做紀念🤣🤣🤣不過都係果句，今次食係用信用卡優惠，bar本身未必長期供應。最好事先問餐廳先，以免去到失望而回。