蚊蚊豬老火鍋 (已結業)

早排同事介紹呢間任食火鍋，於是同幾位朋友一齊黎試下伏唔伏先！！頭round送羊腩煲，味道真係唔錯！羊肉好夠味又腍，又足料比好多舊你，抵讚！仲有刺身食添嫁！不過得基本幾樣例如三文魚甜蝦螺片墨魚呢啲，甜蝦睇落無咁新鮮，其他刺身只係一般水準。你都預咗嚟食火鍋咋嘛，呢啲當bonus喇呢間鋪重頭戲係烤魚火鍋，條魚真係唔錯架，皮脆肉嫩，湯底有番茄同麻辣揀，我揀咗個麻辣大辣，其實唔算辣啦譚仔大辣都不如配料都算ok，牛肉唔錯起碼唔係比垃圾肥牛你，有唔同位置嘅牛肉揀，其他都係普通野。雪糕好似係香港品牌，幾好味。總括嚟講3百幾蚊有咁多野食物質數又唔錯，幾抵！