Yadllie Plate 야들리애플래이트 (海之戀商場)

今日同朋友兩個人出左去荃灣海之戀行街，行商場行到肚餓之後想食韓國菜，所以就去左商場內既Yadllie Plate韓國菜。入到去發現呢間餐廳裝修唔錯，而且餐枱夠闊夠大，叫好多野食都唔怕唔夠位放。其實同朋友係主要想食韓式炸雞，但發現呢間餐廳原來仲有好多野食，所以今次都忍唔住叫左幾多野食試下。首先我地叫左個半半炸雞試下，貪佢可以一次試兩種唔同口味，而我地就叫左蜜味乳酪同大蔥絲兩種口味配搭。炸雞屬於帶骨類型，有齊雞脾同雞翼位，整體感覺良好，雞肉嫩滑唔會乾，而且調味都做得幾好，好食！之後韓國控既我地叫左玫瑰牛肉炒年糕，佢屬於帶湯煮既做法，牛肉鮮嫩，而且年糕QQ,加埋芝士，又係好好味既一道菜。之後小食試八爪魚煎餅，店員跟上兩款醬汁，煎餅配合醬汁好出色，而且八爪魚俾得一d都唔手軟，抵讚！之後見到佢地有出部隊鍋，忍唔住叫返個試下，質素唔錯！部隊鍋應有既配料都有齊，而且湯頭出色，可以一試。最後，其實我地已經食到飽飽，但見到餐牌有一個幾得意既手抓飯，覺得幾得意，所以就叫埋佢試下，送到上黎先知道原來佢係會俾你自己將佢攪拌，再自己手工製作黎食，呢個好玩又好食！最後叫埋兩杯飲品，慢慢傾下食下飲下，咁就完成左愉快