尚牛

營業中

休息中

搵地方食生日晚餐，網上睇到呢間口啤幾好，早一日經過問下店主有冇得留位，店主話要準時到達就冇問題啦！今晚準時嚟到，唔使等即刻有位，坐低先叫咗客脆炸魷魚下足，嘩！真係非常之好味，😋😋👍👍真係想叫多碟，跟著老婆叫咗和牛洋火鍋，和牛好正份量唔少，配料又唔差，最後個黑松露湯飯好好食，店主手執好好，個湯飯整得好好食！😋😋👍👍我就叫咗個吉列牛小排特盛，吉列牛上次去日本冇食到，今次喺元朗有得食點都試下！熟啲生啲自己燒，小牛排好好味，份量都唔少，最後叫埋抹茶同焙茶布丁，兩個布丁又係好正！👍👍叫咗支苦柑梳打，苦苦甘甘幾好飲，埋單嘩咗聲5百蚊都唔使，質素咁好，咁用心製作，食材咁靚咁嘅價錢真係超抵超值，性價比極高！下次要再嚟試埋午餐。店主雖然有點忙但招呼都唔錯！出餐又快！👍👍👍