湘湘娘娘 (已結業)

鍾意食辣就會明，周不時都會辣癮去，之前已經知道尖沙咀呢間川菜都開咗排，下午嚟環豐都好夠光猛，坐得好舒服先點咗個冷盤小食係醉雞，雞件嫩滑一啲都唔嚡口，仲有花雕酒味好夠，食落去雞件入哂味乾鍋緊係點我最愛嘅肥腸，炒得微微乾身，大腸有啲微脆，食落去有啲辣勁，仲保留一啲香辣汁，可揀自己鍾意嘅辣度到重頭戲了，係必叫酸菜魚，首先魚肉係厚切啖啖肉，食落好嫩滑有啲彈性，而湯頭有啲黃金高湯味道，酸度適中，而辣度一樣可揀大中小辣，中辣都有辣勁，入面配料都好多，最正係寬粉夠煙韌