甜水 (已結業)

前幾日同朋友喺旺角行行下街，想食下啲甜野，見到呢間新開嘅甜品店有燉奶食，就即刻入左黎食。金銀燉鮮奶 $35第一次食金銀燉鮮奶，原來係燉奶嘅中間有隻流心蛋黃。本身都有啲擔心唔知有隻蛋會唔會腥，但原來有唔會喎。有流心蛋黃之後，成碗燉奶好滑，比起一般嘅燉奶更好食。同埋燉奶本身嘅奶味都好濃郁，好味。有得揀凍食定熱食，我一向覺得熱食燉奶嘅奶味會重啲，所以就揀左熱食。桃膠椰汁雪燕 $38呢碗係朋友食嘅，同樣有得揀凍食定熱食，前幾日天氣咁凍，所以朋友都揀左碗熱嘅黎暖下身。桃膠同雪燕份量好多，椰汁都幾濃稠，唔太稀。椰汁味道香濃，同埋唔會太甜，感覺幾健康咁。