上戶酒場 (已結業)

之前食過一次 九龍城嘅上戶酒場 一直念念不忘💕無論食物/環境/服務 都唔會令人失望裝修充滿濃厚日式風情 木系設計 加上各種日式擺設 氛圍就好似真係喺日本嘅居酒屋咁🇯🇵▪️令和怪物生蠔勁大隻嘅生蠔🦪鮮味十足 肥厚又creamy▫️黑松露帶子手卷少少嘅黑松露已經好香 帶子亦好鮮甜▪️櫻花蝦炸豆腐▫️吉列炸蠔▪️明太子雞翼三款炸物都唔錯👍🏻櫻花蝦炸豆腐外脆內軟 口感同味道都層次豐富 明太子雞翼夠惹味 而炸蠔都好飽滿 汁多肉嫩▫️上戶刺身盛配迷你烏冬▪️牛舌薄燒配白飯以上呢兩款都係精選午市定食 都幾抵☺️套餐會包埋沙律同海鮮味噌湯 個湯真心大讚 唔會死醎 入面嘅材料都十足 兩隻大蜆加兩隻蝦 誠意滿滿💕刺身有四款 帶子/三文魚/油甘魚/赤蝦 整體都好新鮮 而且要用勁量嚟形容😂好厚切 連隻蝦都差唔多手板咁長🦐而牛舌薄燒都好好味 用鐵板上 上枱時唔會好熟 就係比鐵板一直燒 未食已經聞到濃烈香氣🤤食落去時除咗牛香 仲有䓤蒜嘅香 好正