堅韓牛韓燒放題 (已結業)

喺旺角行完街 體力耗盡 又係時候食餐勁嘅😂今次去咗堅韓牛食放題 識食一定係食最好嗰個set😌揀咗Level 3嘅極尚三國牛肉餐 有齊日本和牛/韓國牛肉/澳洲和牛/西班牙黑毛豬 仲有清酒/真露/紅酒飲🤩係咪勁先 坐低就可以用QR code落單 呢個時候店員就會送上Level 3嘅頭盤🐂日本A4和牛冧肉 即係牛嘅臀部 肉質勁軟和稔 有入口溶化感覺🤤澳洲M9和牛肉眼 脂肪分佈平均 肉香同油香都啱啱好 仲有美國牛頸脊 有肉味有咬口 夠juicy之後就到我哋order嘅食物上場啦🤩種類非常之多 除咗燒肉之外 仲有炸物/小食/海鮮/壽司等等🍣比較少有嘅係韓國1+腩包肉 燒起上嚟特別香 油脂充足 包生菜食係絕配🥬仲有和牛肋條都充滿肉汁 大胃人士就推介叫豬鞍 超大件而且好好食😋而熟食方面就必叫石鍋飯 韓味十足 石鍋keep住熱 食得慢都唔驚 食到底仲有飯焦🍚仲有香蔥煎餅都做得唔錯 唔會好厚粉 蔥味突出當晚都幾爆場 氣氛熱鬧 而且店員嘅服務態度都好好👍🏻有禮貌又細心 讚!