天膳

營業中

休息中

今晚都係食返最中意既日本野，木系裝修令人感到很舒服，座位寬敞。小食(大)入面有日本蕃茄、日本黑梅貝、日本髮菜， 日本蕃茄特別鮮甜，日本黑梅貝表面微黑，有美麗的斑駁花紋，肉質爽彈，日本髮菜非常爽口，上面配埋蟹肉、飛魚子，層次感豐富。汁煮金目鯛魚頭色澤呈鮮艷紅色，魚肉具有甜香濃郁既味道，肌理緊實，用咗日本醬汁煮，味道適中。日式牛肉火鍋上枱熱辣辣，牛肉切得薄薄，咬落去鮮嫩肥美，配料有蔬菜、菇、豆腐、粉絲等等，用咗少量醬汁去煮，甜甜地，粉絲超級入味。鯛魚泡飯鯛魚係白身魚既一種，味道淡雅，帶鮮甜嘅滋味，魚湯係整道菜嘅精華，令鯛魚鮮甜完全融入米飯，吸收左精華嘅米飯富有彈性。甜品最後甜品要咗芝麻同埋曲奇雪糕，芝麻雪糕芝麻味香氣濃郁，曲奇雪糕每一啖都食到曲奇嘅脆感。波子汽水今次飲咗原味，飲起嚟有一種好特別嘅清爽感。