影片
更多
2010-06-15
16 瀏覽
...................是日放學想搵地方開餐, 書友突然醒起有朋友曾推介此餐廳, 而每次行經都見大排長龍, 所以一直都試唔到, 眼見都成10點, 就去碰下運氣, 希望唔使等啦......點知去到都係有人等位, 不過都幾好彩, 我地得兩個人, 又唔介意坐吧枱, 所以就可以直入......入到去既第一個感覺, 舖仔細細, 位唔多, 有少少迫既感覺 (不過係旺角都好正常)我地叫左:1) 大門溏心手打烏冬 ~ 有溏心蛋一隻 (真係好好味呢....唔知自己係屋企整唔整到呢??!) ~ 兩件日式义燒 (又係一個驚喜, 佢唔會好似平時見到到個d 咁大件, 咁簿同咁瘦呢, 最衰係無影低佢, 佢係厚切, 而且外圍包左一層好香既豬油, 最外層就係帶點煙韌豬皮 ) ~ 仲有兩件豬軟骨 (呢個就唔知, 事關係書友叫既, 我無食到)2) 燒鳥手打烏冬 ~ 一件燒鳥(即雞扒, 雖然要等10至15分鐘, 但值得等, 師傅將件雞皮燒到脆脆地無哂油, 但d 肉又唔會乾) ~ 半隻溏心蛋 (可惜得半隻溏心蛋, 真係好好味, 見餐牌有得另外order 架, 不過都幾貴, 一隻$8
是日放學想搵地方開餐, 書友突然醒起有朋友曾推介此餐廳, 而每次行經都見大排長龍, 所以一直都試唔到, 眼見都成10點, 就去碰下運氣, 希望唔使等啦......點知去到都係有人等位, 不過都幾好彩, 我地得兩個人, 又唔介意坐吧枱, 所以就可以直入......
入到去既第一個感覺, 舖仔細細, 位唔多, 有少少迫既感覺 (不過係旺角都好正常)
我地叫左:
1) 大門溏心手打烏冬
~ 有溏心蛋一隻 (真係好好味呢....唔知自己係屋企整唔整到呢??!)
~ 兩件日式义燒 (又係一個驚喜, 佢唔會好似平時見到到個d 咁大件, 咁簿同咁瘦呢, 最衰係無影低佢, 佢係厚切, 而且外圍包左一層好香既豬油, 最外層就係帶點煙韌豬皮 )
~ 仲有兩件豬軟骨 (呢個就唔知, 事關係書友叫既, 我無食到)
2) 燒鳥手打烏冬
~ 一件燒鳥(即雞扒, 雖然要等10至15分鐘, 但值得等, 師傅將件雞皮燒到脆脆地無哂油, 但d 肉又唔會乾)
~ 半隻溏心蛋 (可惜得半隻溏心蛋, 真係好好味, 見餐牌有得另外order 架, 不過都幾貴, 一隻$8 呢)
以上兩個烏冬都係蕃茄湯底, 有成個蕃茄係個湯到, 令到個湯好正又唔酸, 書友個碗幾乎飲到見底呢 ; 烏冬好彈牙, 正~
3) 串燒
~ 大荵和牛 (和牛多汁, 美味, 得~)
~ 芝士蘑菇 (兩樣野的味道唔係唔夾, 但咁樣串燒又唔係好食到佢地一齊既味道, 但整體黎講都係好好食, 因為蘑茹係新鮮的, 所以好 fresh!! yummy~)
p.s. 係10點後, 串燒/小食係有特價, 都ok抵食架!
佢地嘅服務都唔錯, 個個staff 都非常有禮貌, 又會提醒你個煲好熱, 要小心, 抵讚!!!
一定要再去~ 鐘意食烏冬既人..唔試係你既損失.....!!
張貼