影片
更多
2011-07-26
245 瀏覽
噚晚同幾個朋友一齊去左Hotel ICON位於lobby既Green食晚飯，主要目的係為左試一試新出既Seafood platter~ 之前見到有朋友o係facebook度讚口不絕，睇相又好似好吸引咁… 決定要親身去試一試！因為有一位朋友唔食海鮮，所以我地嗌左一set seafood platter，再嗌其他野食～$388 for 2 既seafood platter，有龍蝦，有生蠔，有魚子醬，有青口，有蝦，有螺，有長腳蟹蟹腳~ 非常豐富！全部都好新鮮！特別推介鍾意食海鮮同食蠔既朋友～只要加$98就有一杯Champagne，邊食海鮮邊飲香檳，絕配！- 有三種特別既醬汁去配襯d蠔，有cocktail sauce、紅酒乾葱醋、泰式辣醬，我最鍾意泰式辣醬，辣辣地又唔會蓋過d蠔既鮮味 =]- 我之前都唔食魚子醬，朋友硬要我試下… 將魚子醬搽上麵包度，原來一d都唔難入口！而且我覺得一粒粒好得意… 食到唔停口！- 雖然平時都成日會食蝦，但呢個seafood platter既蝦，真係好新鮮～個蝦頭有好多膏呀！- 我成日都嫌麻煩懶得食長腳蟹蟹腳，不過朋友拆埋肉俾我食，咁就食啦… 好鮮味呀！- 望落去
噚晚同幾個朋友一齊去左Hotel ICON位於lobby既Green食晚飯，主要目的係為左試一試新出既Seafood platter~
之前見到有朋友o係facebook度讚口不絕，睇相又好似好吸引咁… 決定要親身去試一試！
因為有一位朋友唔食海鮮，所以我地嗌左一set seafood platter，再嗌其他野食～
$388 for 2 既seafood platter，
有龍蝦，有生蠔，有魚子醬，有青口，有蝦，有螺，有長腳蟹蟹腳~ 非常豐富！
全部都好新鮮！特別推介鍾意食海鮮同食蠔既朋友～
只要加$98就有一杯Champagne，邊食海鮮邊飲香檳，絕配！
- 有三種特別既醬汁去配襯d蠔，有cocktail sauce、紅酒乾葱醋、泰式辣醬，我最鍾意泰式辣醬，辣辣地又唔會蓋過d蠔既鮮味 =]
- 我之前都唔食魚子醬，朋友硬要我試下… 將魚子醬搽上麵包度，原來一d都唔難入口！而且我覺得一粒粒好得意… 食到唔停口！
- 雖然平時都成日會食蝦，但呢個seafood platter既蝦，真係好新鮮～個蝦頭有好多膏呀！
- 我成日都嫌麻煩懶得食長腳蟹蟹腳，不過朋友拆埋肉俾我食，咁就食啦… 好鮮味呀！
- 望落去最搶眼既龍蝦，食落去都一樣值得一讚！雖然無用任何醬汁去煮過，但反而可以食到龍蝦既鮮味！
餐前既麵包，新鮮熱辣咁送上～
因為有朋友唔係咁舒服，想叫d清淡既食物～餐廳經理建議我地點一個天使麵，仲特登叫廚房唔落本來既醬汁，轉用少量既Olive oil黎煮，好貼心！
簡簡單單既天使麵，用上新鮮既蝦同帶子，一樣好好味～
煎鱸魚伴蕃茄with黑水欖，地中海style～食完個seafood platter，加上sea bass，咁先係一餐完滿既海鮮餐！哈哈！
d魚好滑～而且有乾番茄配製既醬汁配襯，好新鮮！好健康！
餐廳既人特別推介我地食呢個煎既Risotto，係一個米蘭style煎意大利飯餅伴Parma Ham！平時食開既risotto都係有汁，而且芝士味比較濃，
而呢一個煎既risotto，表面有少少硬硬地，有少少似飯焦既感覺，加上無乜醬汁，口感特別強！
無o係其他地方食過！值得推介！！
食飽又點少得食甜品！餐廳主打既Cup Cakes一共有14種口味，每一款都好精美，好想試晒咁多種味！
奈何胃只係得一個…. 不過唔緊要，我地有四個人，可以試四種味！
Double chocolate, Lemon poppy seed, Apple and apricot cup cakes，各有特色，而我就最鍾意朱古力味！
下次有機會晏晝黎開尖東，一定要黎試埋其他既味！
而且呢度既環境好舒服，最o岩同幾個朋友一齊黎傾計食飯！
張貼
