樂天皇朝 (利舞臺廣場)

營業中

休息中

好多年之前食過，當時已經覺得好好味，今日心血來潮，所以一家人再黎多次。係樂天皇朝，絕對唔可以唔叫嘅一定係小籠包。由於daddy mammy第一次黎，所以我叫咗佢哋招牌8色小籠包，代表8種唔同嘅味道，包括原味、鵝肝、芝士、蟹粉、黑松露、川味、絲瓜同埋蒜香。佢哋嘅小籠包不愧為招牌菜，一直都保持到水準，皮薄、湯多，咬落去每一啖都好滿足。跟住係蟹粉鍋貼，係「廚師推薦」，外脆內軟，入面亦有少少湯，加埋蟹粉嘅鮮味，口感好好。再黎係菜肉餛飩拉麵。講真，菜肉餛飩係上海菜嘅招牌菜，食上海菜無理由唔叫呢款。我覺得佢哋都好味嘅，個拉麵同埋湯都配合得好好。跟住係生煎包。可惜呢度嘅生煎包出品只係一般，下次唔會再叫。最後係饅頭，本身想order炸嘅，剔錯咗蒸饅頭，下次會叫返炸嘅。