大滿足火鍋冰室

營業中

休息中

平時鍾意打邊爐，食開都係連鎖嘅火鍋店。今日上網搜尋，竟然有間新開嘅火鍋店，竟然係冰室打邊爐，咁細間店打邊爐，得唔得㗎，仲要係任飲任食，真係未試過。首先揀個湯底，我既首選緊係椰子雞湯啦。外面食椰子雞湯唔多，仲可能要加錢，呢度就唔使。一打開，勁香椰子味，水滾放入雞再煲5分鐘就得啦。先飲碗雞湯先， 嘩，超級清甜，非常好飲，雞香椰香非常夾，如果可以，我真係好想飲哂個湯，不過仲要打邊爐，就忍一忍啦。火鍋料全部都係外面自取，一般港式邊爐料都有。牛肉，豬肉一般。魷魚，牛栢葉都爽口。海蝦有啲不新鮮。蟶子偏小。菇類正常。炸魚皮無油益味。除左椰子雞之外，我地仲點左蕃茄烤魚。爐魚大條，魚肉嫰滑，相當唔錯。之後嘅蕃茄湯都可以變做打邊爐湯底。另外仲有前菜，水果任食，咁嘅價錢算唔錯。