ねずみの王冠 喫茶店

營業中

休息中

喺觀塘有間喫茶店，即係樓上Cafe，係文青必去嘅好地方，上面可以任坐優哉游哉仲有Wi-Fi😍😍！清清地叫咗個蟹籽沙律 $48，沙律醬同埋蟹籽擺放得好平均，擠得好工整，食落去蟹籽好脆卜卜，同時青瓜同蟹柳絲又切得好幼，入口好清爽。最鍾意食炸雞日本嘅炸雞同韓國嘅好唔同，加上日式醬料同埋檸檬汁，$86咁大盆真係唔過分，而且啱啱炸好好有鑊氣！牛肉鍋喺呢度嘅主打，大部份人都想啲嘢食上枱夠熱辣辣，有個火差好遠，牛肉預先熟左一半，烹調嘅時間就唔使咁長，$118呢個價錢性價比好高！呢度重點推介佢哋個洋蔥牛油燒廣島蠔，個pan好熱，要小心呀！有日本辣椒絲同洋蔥🧅，蠔味夠鮮！來到串燒部份，雞軟骨串$18我最鍾意食，即叫即炸，雞骨好香，唔使加太多嘅調味粉已經勝人一籌！蟹棒 $36 大大條，加上半溶的芝士，確實有驚喜。還有金黃色燒菠蘿 $28，總共3塊，燒到有焦糖效果，真不錯，豚肉流心蛋$32是非常特別的一款串燒，外表鬆化，內裏柔軟，蛋醬汁在口中蕩漾，值得回味。