惠 (已結業)

鍾意周圍搵食嘅我，咁啱上YouTube見到一間KOL力捧嘅壽司店，咁我當然要book下位啦。座位其實都好full，要book嘅就要提早啦。入到去見到有一個好大嘅吧枱，見到廚師整嘢食超有心思，日本餐真係好講求心機，好味之餘仲要別緻，真係要食得又睇得。💗針魚嘅魚肉係好嫩滑，光澤感好強，佢嘅肉質好清甜，所以唔需要特別嘅烹調技巧，就咁刺身食配上少少薑豉油，就可以凸顯出鮮味嘅魚肉。💗吞拿魚之最當然有中拖羅同埋大拖羅啦，兩款我都係好鍾意嘅，中拖羅食落去就會比較踏實，油脂同肉嘅分布都係好平均。而大拖羅就係油脂係超高嘅，好好味，但減緊肥嘅我真係唔夠膽食超多。💗吞拿魚醬油漬壽司，廚師話係用秘製嘅烹調手法，令到吞拿魚嘅味道鮮味會更加提升，唔需要再放任何調味料，味道已經好濃郁。💗北海道馬糞海膽真係海膽之最，顏色係淺橙色嘅，味道甘甜可口，有淡淡的海水味，而且佢海膽嘅份量超多，一啖食唔晒，成個口都充滿着海膽嘅感覺好過癮。