龍鳳冰室 (惠安苑) (已搬遷) 新店位置

幫公司做完野，行去睇下食乜好，入左這間店，叫了一個特餐，想由意粉改公仔麵，要加10元，痴線！咁梗係唔改。特餐炒蛋送上枱，凍的，無錯，係凍，少少暖都無。火腿也是從雪櫃拎出黎的。菠蘿包硬到好似微波爐翻叮幾次咁，但個包也是凍的，唔知放左幾耐。捱過左碟上嘅嘢，相比之下，個特色雞翼湯意粉算ok，無特別。這難吃的特餐仲要索價55元！一定無下次幫襯！睇見「龍鳳」都唔會入。呢間食店都叻，令到我呢個一向唔會寫食評的人特地開返個OpenRice Account黎劣評佢，好嘢！