波記燒臘粉麵店

營業中

休息中

住西環嘅朋友成日推介波記燒腦粉麵店嘅燒味，又話平日晏少少6點幾燒味可能賣晒提早關門，聽到我口水流，今日一於去試下。一黎到見到店內坐位唔多，好彩早少少黎到，坐下一陣已全店爆滿。專登黎到，即叫了碗朋友推介的燒鵝瀨，一上枱當堂嚇一跳，今天好好彩師傅比左隻鵝脾我，因為叫鵝脾瀨係貴幾拾，第一次黎幫襯真係有驚喜。燒鵝皮係脆同熱，配瀨粉真係一流配搭。朋友叫左碟叉燒燒肉飯，燒肉皮脆，內裡肥廋分明。而叉燒厚切，夠淋，上枱時仲暖暖地，而外面燒得少少濃，水準確係一流。最後，食飯期間除左全店滿座外，有勁多人外賣，走時門外等外賣都有近10人。燒味要做得出色真係唔簡單，波記係其中一間用心去做嘅燒味店。