八囍牛雜粉麵

營業中

休息中

位於街市入面細細檔麵檔，座位不多大約得16個位，長期都好多人，有時仲要等位。因為佢真係好抵食，11點前有早餐優惠，$30一碗麵送熱飲，凍飲就加$2。碗麵好足料，我叫咗牛雜麵，同其他粉麵價錢一樣，$30勁大碗！每款雜都有1-2嚿，點解可以咁抵？！如果過咗早餐時間都係$30，飲品就加熱飲$3、凍飲加$5都係勁勁勁抵。牛雜係正宗港式牛雜，濃濃的腩汁味充斥整碗麵。最欣賞佢個牛腸，肥得嚟唔會韌，好重油香味。其他雜都好好味，但我唔識分門別類😂油菜配腩汁都唔錯，芥蘭新鮮唔會煮得太淋。奶茶茶底夠濃，奶嘅份量剛剛好。