影片
更多
2024-08-14
152 瀏覽
首先一入到餐廳好光猛舒適，採光好好，有落地大玻璃，餐廳樓層高望出去高過晒附近嘅大廈，好靚，唔會覺得密集壓迫。南非鮑魚好大隻，食落鮮嫩多汁，個自家袐製醬汁好味，香濃又唔會鹹，好欣賞已經切定咗一片片，方便食用。季節刺身有3款左口魚、油甘魚同埋吞拿魚，全部都好大片仲係厚切，好夠厚度，魚油分佈均勻，食落唔腥，唔會似平價食到有筋嘅位。淡雪鹽吞拿魚配飯有個花花形餅底，打卡一流，個擺盤都好靚好精緻，個吞拿魚特別有口感，味道啱啱好。另外要提一提個服務態度超好，食完個吞拿魚餅手有油，員工就注意到即刻比濕紙巾抹手仲會好及時添茶，又會問你茶夠唔夠濃。鵝肝多士，鵝肝油脂分布均勻，食落唔油膩，唔乾唔硬，有入口即化嘅感覺，有兩粒黑豆清味用，食完鵝肝多士先食，味道清清甜甜，幾好。澳洲龍蝦，好大隻，啖啖肉，肉質彈牙夠新鮮，食落啲汁好鮮甜。海鮮茶碗蒸，都幾大碗好足料，好啱鍾意食海鮮嘅人。海鮮蜆清湯好飲，海帶爽口，湯汁鹹鹹地然後味道回甘甜，正👍🏻煙肉香蒜炒飯，廚師個打蛋技巧好勁，夠晒香口，啱啱炒起特別好食。甜品巨峰提子果凍，巨峰提子味超濃，果凍本身食落無味道，配搭提子汁香濃得嚟又帶有清甜。
首先一入到餐廳好光猛舒適，採光好好，有落地大玻璃，餐廳樓層高望出去高過晒附近嘅大廈，好靚，唔會覺得密集壓迫。
南非鮑魚好大隻，食落鮮嫩多汁，個自家袐製醬汁好味，香濃又唔會鹹，好欣賞已經切定咗一片片，方便食用。
季節刺身有3款左口魚、油甘魚同埋吞拿魚，全部都好大片仲係厚切，好夠厚度，魚油分佈均勻，食落唔腥，唔會似平價食到有筋嘅位。
淡雪鹽吞拿魚配飯有個花花形餅底，打卡一流，個擺盤都好靚好精緻，個吞拿魚特別有口感，味道啱啱好。另外要提一提個服務態度超好，食完個吞拿魚餅手有油，員工就注意到即刻比濕紙巾抹手仲會好及時添茶，又會問你茶夠唔夠濃。
鵝肝多士，鵝肝油脂分布均勻，食落唔油膩，唔乾唔硬，有入口即化嘅感覺，有兩粒黑豆清味用，食完鵝肝多士先食，味道清清甜甜，幾好。
澳洲龍蝦，好大隻，啖啖肉，肉質彈牙夠新鮮，食落啲汁好鮮甜。
海鮮茶碗蒸，都幾大碗好足料，好啱鍾意食海鮮嘅人。海鮮蜆清湯好飲，海帶爽口，湯汁鹹鹹地然後味道回甘甜，正👍🏻
煙肉香蒜炒飯，廚師個打蛋技巧好勁，夠晒香口，啱啱炒起特別好食。
甜品巨峰提子果凍，巨峰提子味超濃，果凍本身食落無味道，配搭提子汁香濃得嚟又帶有清甜。
張貼
