金鶴拉麵 (閩街)

營業中

休息中

平安夜喺佐敦行咗一陣，都冇乜打算訂枱食高級餐廳（俾人湯錢嘅日子），所以就揀咗喺佐敦好出名嘅金鶴拉麵，想嘗試佢嘅沾面，男朋友就想試吓佢嘅雞白湯拉麵可能因為平安夜嘅關係，門口排晒長龍，都要等左30分鐘先入座。服務態度唔錯，侍應們都有禮，招呼快，另外值得讚嘅地方係餐廳會係每一台擺一個竹籃，比客人放置個人物品，咁就唔使整污糟啦！我本身想叫沾面，但係就已經賣晒了。唯有叫其他野食～⭐️極濃雞白湯拉麵呷一口湯，雞味好濃郁，乳白色嘅湯底比起一般嘅湯底傑身，口感好順滑，鹹口適中。（但係湯底傑身，食耐咗都有啲口渴）除咗湯底，呢款拉麵最入味嘅就係雞肉了, 識落應該係雞胸肉，但係很嫩很滑，是意外的高水準。配菜就仲有啲炸牛蒡絲、木耳、荀、同埋糖心蛋等等。特別提一提牛蒡絲一上桌就好食啦，當佢浸左淋左之後，就會好難咬。要讚既係一碗拉麵竟然有3塊雞肉加2塊叉燒！一啲都唔手軟。⭐️日式餃子呢個餃子係用積分換，估唔到係炸的唔係煎的，皮很脆，有少少硬，餡料夠味。