古珐蛋糕 (花園街) (已結業)

沿路行去花墟買嘢，經過呢間鋪門口，蛋糕味香到一個點，深深吸引停低腳步，鋪面闊落，簡潔整齊，最重要係唔洗排隊😄行入去睇到牆上寫住， 零香精、零色素、零防腐劑。 全部八種味道其中三種係星期六日限定，當日係平日淨返5種選擇，最後由店員幫助下揀咗岩岩出爐嘅朱古力味。買完拎住蛋糕一邊行一邊不斷聞到香味，搞到放工時間搭車餓餓地都有啲唔好意思。打開盒蛋糕都幾大件，面層滿滿朱古力粒，切開後嘅朱古力綿密花紋真係忍唔住望多幾眼， 口感鬆軟而有質感，唔似一陣風，朱古力味濃郁但唔係太甜，配方控制得咁好真心犀利，食完一件又一件。下次去開花墟會再買其他味道試。