Oh My Cow (已結業)

早幾日冇計劃地去咗葵涌廣場，嗰度有唔少小店都有得食麻辣嘢，真係花多眼亂啊！最後老公帶左我去咗呢間小食店 Oh My Cow，我哋叫咗麻辣手撕雞撈麵+雲耳+牛肚，只係$32，嚟到見到真係分量十足！麵條質地口感好，仲有呢度個醬汁係店主獨家調配，真係喺其他地方都食唔到呢種味呀，極之惹味，就算未食，聞到個味都流晒口水！喜歡食麻辣野嘅人一定唔會失望！食完真係幾飽㗎！呢度配料選擇都幾多，好想試吓雞腎、青瓜等等，我一定會再嚟食㗎！